Utanríkisráðherra Singapúr, Vivian Balakrishnan, er ekki talinn meðal þekktustu stjórnmálamanna á heimsvísu. Hann náði þó aldeilis að koma sér í sögubækurnar í gær, en hann er talinn fyrsti maðurinn í heiminum til að taka „sjálfu“ með Kim Jong-Un, einræðisherra Norður-Kóreu.
Kim Jong-Un kom til Singapúr í gær en á morgun mun hann hitta Donald Trump, forseta Bandaríkjanna, á sögulegum leiðtogafundi þjóðanna.
Kim tók sér frí frá amstri dagsins í gær og fór í göngutúr þar sem Balakrishnan nýtti tækifærið og smellti einni sjálfu af sér og leiðtoganum umdeilda.
Sumir fylgjendur Balakrishnan eru þó ekkert sérlega sáttir við sjálfuna, meðan öðrum finnst hún „sæt“.
#Jalanjalan #guesswhwere? pic.twitter.com/oVOk8UuqlC
— Vivian Balakrishnan (@VivianBala) June 11, 2018