Fréttastofan Fox news, sem er þekkt fyrir að birta ansi mikið af jákvæðum fréttum um Donald Trump, forseta Bandaríkjanna, hefur gert ansi marga stuðningsmenn Trumps reiða vegna ummæla sem féllu í þættinum Fox and Friends í gær. Í umræddum þætti sagði einn fréttamaðurinn Abby Huntsman yfir myndskeiði þar sem Donald Trump er að yfirgefa forsetaflugvélin í Singapore: „Burtséð frá því hvað gerist á þessum fundi milli þessara tveggja einræðisherra, það sem við erum að sjá núna, það er sögulegt.“
Mörgum þótti furðulegt að enginn andmælti þessari yfirlýsingu fréttamannsins og það var ekki fyrr en mun seinna í útsendingunni sem Abby baðst afsökunar á ummælum sínum. Seinna um daginn birti hún svo afsökunarbeiðni á Twitter. Margir aðdáendur Trumps brugðust illa við þessum ummælum og hringdu inn til fréttastofu Fox news til að mótmæla ummælum hennar.
Apologized on the show. I’ll never claim to be a perfect human being. We all have slip ups in life, I have many 🙂 now let’s all move on to things that actually matter. https://t.co/k2hGjZcHRB
— Abby Huntsman (@HuntsmanAbby) June 10, 2018
Hér má svo sjá myndband með ummælum hennar.