Hún fer eins og eldur í sinu um netið myndin þar sem Angela Merkel virðist lesa yfir hausamótunum á Donald Trump á fundi G7 ríkjanna. Merkel sjálf var svo ánægð með myndina að hún dreifði henni á Instagram. Þarna virðist hún vera bæði sterkur og klár leiðtogi – en Trump eins og skömmustulegur óknyttaunglingur.

En það er sýnd, ekki reynd.

Staðreyndin er sú – og það skynjar Trump vel – að Merkel er afar veikluð sem leiðtogi. Hún fór illa út úr síðustu kosningum, náði á endanum að mynda slappa samsteypustjórn með sósíaldemókrötum.

Stjórmál í Þýskalandi eru á miklu stöðnunarskeiði, Merkel vill helst rugga bátnum sem minnst, en hinn áræðni leiðtogi Evrópu stendur við hlið hennar á myndinni, aðeins aftar. Það er Emmanuel Macron, forseti Frakklands.

Macron hefur ýmsar umbótahugmyndir, meðal annars um endurbætur á evrusvæðinu. Doðinn í Þýskalandi er hins vegar slíkur að stjórnmálaleiðtogar þar taka lítt undir. Á sama tíma er stórhætta á nýrri evrukreppu sem myndi eiga upptök sín á Ítalíu, en öfgaöfl sækja enn á í álfunni. Systurflokkur CDU Angelu Merkel, CSU í Bæjaralandi, er nú tekinn að færast í þá átt