Eru teikningar arkitekta af húsum sem eiga að rísa einatt fegraðar eða jafnvel falsaðar? Við sáum til dæmis varðandi Hafnatorgið að á myndunum sem arkitektar gerðu af því virkuðu byggingarnar minni í samhengi við nálæga byggi en raunin virðist ætla að vera.
Á sænskri vefsíðu sem nefnist Arkitekturupproret er þetta skoðað og birt dæmi um þar sem munurinn milli tölvuteikninganna og veruleikans er himinhrópandi. Við sjáum lika brellur sem við höfum séð slíkum myndum hér heima, til dæmis loftbelg sem við þekkjum af mynd af húsum sem áttu að rísa í Lækjargötu og svo líka sól sem skín úr átt þaðan sem sól getur aldrei skinið.
Tölvumyndirnar eru næstum alltaf bjartari en veruleikinn og lýsingin eins falleg og verður á kosið. En svo birtist eitthvað allt annað þegar húsin rísa. Þetta er náttúrlega spurning um sölumennsku, að selja verkefnin, en þeirri spurningu er líka velt upp hvort tölvumyndirnar séu einhvers konar listræn afbötun fyrir arkítektúrinn.
Myndirnar eru meðal annars frá Stokkhólmi og Gautaborg.