fbpx
Mánudagur 21.janúar 2019
Eyjan

Brynjar hjólar í Pírata: „Hafa varla unnið ærlegt handtak um ævina“ – „Þetta fólk skeytir hvorki um skömm né heiður“

Ritstjórn Eyjunnar
Laugardaginn 9. júní 2018 13:22

Brynjar Níelsson

Brynjar Níelsson, þingmaður Sjálfstæðisflokksins, hellir úr skálum reiði sinnar á Facebook í dag, hvar hann fer mikinn um þingmenn Pírata. Hann nefnir engin nöfn, hvorki á flokkum né þingmönnum, en ljóst er á orðum Brynjars að um Pírata er að ræða.

Tilefnið virðist vera störf Pírata á þingi, en fyrirspurnir Björns Leví Gunnarssonar og framganga Halldóru Mogensen í máli velferðarráðuneytisins og Braga Guðbrandssonar virðast fara fyrir brjóstið á Brynjari, sem þó viðurkennir í lok skrifa sinna, að hann hafi farið öfugu megin framúr rúminu í morgun:

„Áberandi er hópur þingmanna sem telur sig sérstakt baráttufólk fyrir bættum vinnubrögðum og aukinni virðingu alþingis. Flest eiga þau nú samt sameiginlegt að hafa varla unnið ærlegt handtak um ævina og finnst dugnaður ofmetinn, ef ekki úreltur. Í þeirri baráttu nota þau ræðustól þingsins, klædd eins og niðursetningar, og saka pólitíska andstæðinga og embættismenn ýmist um lygi, óheiðarleika, spillingu og glæpi. Á sama tíma getur það ekki einu sinni sagt satt um eigin menntun. Undir þetta taka svo helstu sóðamiðlar landsins, sem trúa sjálfir að þeir séu hlutlausir og heiðarlegir.

Þau kenna sig við frjálslyndi en eru mestu búrókratar sem þekkjast á byggðu bóli. Þau treysta sér ekki til að heilsa með handabandi því að engar skráðar reglur eru til um hvora hendina skuli nota. Þau taka þingið og framkvæmdavaldið í gíslingu með endalausu málþófi og gagnslausum fyrirspurnum. Þau hika ekki við að setja sig í dómarasæti í málum sem þau hafa hvorki kynnt sér né hafa vit á. Dómarnir eru gjarnan mjög þungir og ekki kunna þau að biðjast afsökunar reynast þeir rangir. Þetta fólk skeytir hvorki um skömm né heiður.

Já, ég fór öfugu megin úr rúminu í morgun.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

MIKILL MEIRIHLUTI ÍSLENDINGA VILL SEINKA KLUKKUNNI

MIKILL MEIRIHLUTI ÍSLENDINGA VILL SEINKA KLUKKUNNI
Eyjan
Fyrir 2 dögum

Vatnsmýrin að fá póstnúmerið 102: „Innantómt orðagjálfur á tyllidögum“

Vatnsmýrin að fá póstnúmerið 102: „Innantómt orðagjálfur á tyllidögum“
Eyjan
Fyrir 3 dögum

Davíð Oddsson sagður afkomandi „dularfulla kynblendingsins“ Hans Jónatans

Davíð Oddsson sagður afkomandi „dularfulla kynblendingsins“ Hans Jónatans
Eyjan
Fyrir 3 dögum

Lögreglan: Mikil fjölgun innbrota á heimili

Lögreglan: Mikil fjölgun innbrota á heimili