fbpx
Eyjan

FRELSUN ÞORGERÐAR KATRÍNAR!

Ritstjórn Eyjunnar
Mánudaginn 28. maí 2018 12:00

Ögmundur Jónasson

Ögmundur Jónason ritar:

Formaður Viðreisnar, Þorgerður Katrín Gunnarsdóttir, segir að flokkur sinn muni „selja sig dýrt“ í stjórnarmyndunarviðræðum í Reykjavík. Henni er vorkunn því fjölmiðlar og álitsgjafar slá því upp að Viðreisn sé í lykilstöðu um stjórnarmyndun í borginni.

En er það svo?

Meirihlutinn þarf að hafa 12 fulltrúa á bak við sig. Samfylking fékk 7 fulltrúa, Píratar 2, VG 1, Sósíalistar 1 og Flokkur fólksins 1. Samtals eru þetta 12 fulltrúar. Þarna er því kominn trúverðugur meirihluti og byggi ég þar á yfirlýsingum fulltrúa þessara framboða. Dagur vill áfram sitja og byggja á svipuðu mynstri og áður, sagði það alla vega fyrir kosningar. Píratar vilja það líka og útiloka auk þess samstjórn með Sjálfstæðisflokknum. VG vill vinstra samstarf og Sósíalistaflokkurinn líka, alla vega vill hann ekki í stjórn með Sjálfstæðisflokknum.

Hver er þá í oddastöðu? Er það ekki Flokkur fólksins?
Hann leggur á áherslu á félagslegan jöfnuð og ætti því að geta verið ágæt viðbót í meirihluta á félagshyggjuvæng. Nú, hugsanlega vildi hann nota sér lykilstöðu innan hægri meirihluta. Það er þá spurningin, um lykilstöðu Flokks fólksins.

Síðan er það Sjálfstæðisflokkurinn með 8 fulltrúa, Viðreisn með 2. Miðflokkurinn sem mér heyrist hafa talað sig inn á þennan kant, alla vega í áttina frá hinum, er með 1. Ekki dugir það.

Hver er þá í oddaaðstöðu? Er það ekki Flokkur fólksins?

Hvað þýðir það? Það þýðir að formaður Viðreisnar þarf ekki að „selja sig dýrt“ og það sem meira og betra er, Viðreisn þarf yfirleitt ekkert að selja sig sem hlýtur að vera léttir og frelsun því sölumennska í stjórnmálum kann aldrei góðri lukku að stýra.

Síðan má skjóta því að, nánast neðanmáls, að það hlýtur að teljast undarleg greining á stjórnmálum að telja yfirleitt Viðreisn eiga heima á félagshyggjukanti, en að mínu mati stendur sá flokkur lengst til hægri í litrófi íslenskra stjórnmálaflokka.

En góðu fréttirnar eru með öðrum orðum þær að frelsun Þorgerðar Katrínar blasir við.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Í gær

Unnur Brá verður fulltrúi ríkisstjórnarinnar í loftslagsmálum

Unnur Brá verður fulltrúi ríkisstjórnarinnar í loftslagsmálum
Eyjan
Í gær

Bjarni fundaði í Indónesíu – Ræddu þær áskoranir sem eru framundan

Bjarni fundaði í Indónesíu – Ræddu þær áskoranir sem eru framundan
Eyjan
Fyrir 2 dögum

Fær ekki að sitja með vinum sínum í matsal Áslandsskóla – Þarf að borða á annarri hæð

Fær ekki að sitja með vinum sínum í matsal Áslandsskóla – Þarf að borða á annarri hæð
Eyjan
Fyrir 2 dögum

Brynjar Níelsson: „Sitthvað er Braggamálið eða Bragamálið í hugum Pírata“

Brynjar Níelsson: „Sitthvað er Braggamálið eða Bragamálið í hugum Pírata“
Eyjan
Fyrir 3 dögum

Sauð upp úr á Suðurlandsbraut: Viðar vill að konur vaski upp og hætti að vinna – „Þú ert svo mikil undirlægja“

Sauð upp úr á Suðurlandsbraut: Viðar vill að konur vaski upp og hætti að vinna – „Þú ert svo mikil undirlægja“
Eyjan
Fyrir 3 dögum

14 mánuðir síðan borgarlögmaður var beðinn um álit vegna braggamálsins – Hefur ekki enn skilað af sér

14 mánuðir síðan borgarlögmaður var beðinn um álit vegna braggamálsins – Hefur ekki enn skilað af sér