Eyjan

Þjóðskrá sakar Hrafn um „svindl“ og „pretti“: „Hér er við sálarlausa stofnun að eiga“

Ritstjórn Eyjunnar
Þriðjudaginn 22. maí 2018 13:54

Hrafn Jökulsson

Hrafn Jökulsson, rithöfundur og skákfrömuður, segir í færslu á Facebook að þrátt fyrir að hafa flutt lögheimili sitt um páskana í Árneshrepp, hafi hann fengið bréf frá Þjóðskrá þar sem haldið er fram að allt sé það „svindl og prettir.“ Í bréfinu komi fram að íbúi sem lögreglan ræddi við vegna óvenju margra lögheimilisskráninga í hreppnum undanfarið, hafi ekki kannast við að Hrafn byggi þar.

Færsla Hrafn er í raun opið bréf til hreppsnefndar Árneshrepps og einskonar svar við ummælum oddvitans, Evu Sigurbjörnsdóttur, sem sagði að nýjir íbúar sveitarfélagsins þyrftu að gera grein fyrir sér:

„Ég hefði haldið það, að við ættum að hafa skoðanir á því hverjir flytja inn í sveitina og hverjir ekki…. og í hvaða tilgangi.“

Um þetta segir Hrafn:

„Lögfróðir vinir mínir segja mér reyndar, að það sé ekki beinlínis í verkahring sveitarstjórna að hafa skoðanir á því hver flytur hvert eða í hvaða tilgangi, en mér rennur mér blóðið til skyldunnar að svara oddvitanum. Sjálfur er ég forvitinn um alla skapaða hluti, og skal í örlitlu máli gera grein fyrir sjálfum mér.“

Hrafn greinir síðan frá því hvenær hann tók fyrst ástfóstri við staðnum en Hrafn bjó í hreppnum frá 2007 til 2010. Hann segist lengi hafa viljað flytja aftur heim í hreppinn og hafi slegið til um páskana þegar hann missti leiguíbúð sína að Ránargötu í Reykjavík:

„Síðan fór ég suður að stússa í ýmsu, skipuleggja neyðarsöfnun fyrir börn í Jemen, næstu skákhátíð á Grænlandi og fleira skemmtilegt. Ég gaf mér hinsvegar tíma til að tilkynna Þjóðskrá um breytt lögheimili, einsog lög kveða á um. Ég var sem sagt kominn heim, og hjarta mitt var barmafullt af gleði.En þá dundu ósköpin yfir!“

segir Hrafn og vísar til bréfsins sem hann fékk frá Þjóðskrá Íslands:

„Nú hef ég fengið bréf frá Þjóðskrá þar sem því er haldið fram að allt sé þetta svindl og prettur, og ég skuli bara vesgú búa á Ránargötu 14 — vegna þess að íbúi í Árneshreppi sem lögreglan ræddi við ,,vissi ekki til þess“ að ég væri fluttur! Íbúar á Ránargötu 14 hafa sent Þjóðskrá staðfestingu á því að þar sé ekki svo mikið sem húsdraugur með mína kennitölu.“

Þá biðlar Hrafn til hreppsnefndarinnar um að staðfesta búsetu sína til Þjóðskrár í hvelli, annars líti hann svo á að hann hafi bæði verið sviptur heimili og kosningarétti:

„Jafnmikið og mér leiðist lagaþvarg, þá mun ég ekki láta kyrrt liggja ef sú verður raunin. Hvað mig varðar er nefnilega réttlætið sjálft í húfi. Og það er mér heilagt. Ég er ekkert sérstaklega vanur að kveinka mér, en hér er við sálarlausa stofnun að eiga.Ég heiti á ykkur, kæru sveitungar, að veita mér lið og senda tafarlausa yfirlýsingu til Þjóðskrár Íslands um að ég sé réttmætur innbyggjari í Árneshreppi.“

 

Málið er tengt byggingu Hvalárvirkjunar á svæðinu, en hreppsnefndin er klofin í afstöðu sinni til hennar; þrír eru fylgjandi, oddvitinn þar með talinn, en tveir eru andvígir.

Íbúar Árneshrepps skiptast í tvær fylkingar og er skyndileg 40% aukning íbúa svæðisins sögð vera skipulögð af þeim sem andvígir eru virkjuninni svo þeir geti kosið nýja hreppsnefnd í næstu sveitastjórnarkosningum, sem væri vilhöll málstaðnum.

Þjóðskrá óskaði eftir aðstoð lögreglu við að sannreyna búsetu á heimilum í Árneshreppi í kjölfarið og hefur lögreglan á vestfjörðum keyrt um hreppinn til að banka upp á hjá fólkinu þar, við misgóðar undirtektir.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 21 klukkutímum

Reykjavíkurborg leysir leikskólavandann: Kostar fimm milljarða næstu fimm árin

Reykjavíkurborg leysir leikskólavandann: Kostar fimm milljarða næstu fimm árin
Eyjan
Fyrir 23 klukkutímum

Segir tryggingarfélögin „mergsogin“ af eigendum: „Má ekki kvikna í húsi án þess að félögin sendi frá sér afkomuviðvörun“

Segir tryggingarfélögin „mergsogin“ af eigendum: „Má ekki kvikna í húsi án þess að félögin sendi frá sér afkomuviðvörun“
Eyjan
Í gær

Furðulegt frumhlaup sendiherra

Furðulegt frumhlaup sendiherra
Eyjan
Í gær

Gylfi stígur til hliðar um áramótin. „Nú siglir félagið inn í bjarta og spennandi tíma“

Gylfi stígur til hliðar um áramótin. „Nú siglir félagið inn í bjarta og spennandi tíma“
Eyjan
Í gær

Kvika kaupir GAMMA á lækkuðu verði

Kvika kaupir GAMMA á lækkuðu verði