Ármann Kr. Ólafsson, bæjarstjóri Kópavogs og oddviti Sjálfstæðisflokksins, hækkaði í launum um 32,7% milli ársins 2016 og 2017, eða um rúmlega 612 þúsund krónur á mánuði. Hann var því með um 2.5 milljónir alls á mánuði í laun á síðasta ári. Þetta kemur fram í Fréttablaðinu.
Laun annarra fulltrúa bæjarráðs og bæjarstjórnar hækkuðu einnig, um 30 prósent, en launakostnaður bæjarráðs/stjórnar nam 74 milljónum króna í fyrra, samanborið við tæpar 57 milljónir 2016.
Kjararáð hækkaði laun þingmanna árið 2016, sem hafði áhrif á sveitastjórnarstigið, því víðast hvar fengu bæjarfulltrúar laun sín greidd sem hlutfall af þingfarakaupi. Því var brugðið á það ráð í Kópavogi, og víðar, að frysta laun bæjarfulltrúa meðan komist var að niðurstöðu um hvernig reikna bæri út launin. Þau skyldu taka mið af þróun launavísitölu frá 2006, uppreiknuð.
Eru laun bæjarstjórans tengd þeirri vísitölu samkvæmt Fréttablaðinu.
