Eyjan

Hústökufólkið að Dröngum – hverjir eru það?

Ritstjórn Eyjunnar
Miðvikudaginn 16. maí 2018 08:52

Kristinn H. Gunnarsson ritar:

Fram hefur komið í Ríkisútvarpinu að einn eigandinn að jörðinni Dröngum kannaðist ekki við 9 af þeim 11 sem fluttu þangað lögheimili sitt nýlega.  Hann ásamt eiginkonu sinni hefur líka flutt lögheimili sitt þangað frá Akranesi. Þá er vitað um fleiri eigendur sem höfðu ekki hugmynd um lögheimilisflutningana. En hverjir eru þessi níu „hústökumenn“ á Dröngum ?

Farið var á stúfana og leitað upplýsinga um níumenninguna óvelkomnu:

Frá Hvammi í Holtum er sambýlisfólkið Sighvatur Lárusson f. 1961 og Ólína Margrét Ásgeirsdóttir f. 1959 ásamt móður Ólínu, hinni níræðu Brynhildi Sæmundsdóttir, sem mun hafa verið í  Gufudalssveit árið 1930 eftir því sem næst verður komist. Brynhildur býr í Reykjavík. Sighvatur var spurður að því af einum sem tengist Dröngum hver hafi heimilað þeim að flytja þangað, þar sem ekki sé vitað um að samþykki hafi verið veitt fyrir flutningunum. Sighvatur hefur ekki svarað fyrirspurninni. Bróðursonur Sighvats er Ásgeir Örn Arnarson f. 1988 búsettur í Reykjavík en gefur Mosfellsbæ upp sem sinn heimabæ.

Bryndís Hrönn Ragnarsdóttir f. 1974 er myndlistarmaður frá Reykjavík og gefur þær upplýsingar um sig á Facebook að hún búi í Berlín.

Kristín Ómarsdóttir f. 1962  frá Reykjavík er sögð vera skáld, sem hefur gefið út ljóð, smásögur og leikrit.

Snorri Páll Jónsson Úlfhildarson, Reykjavík,   f. 1987 er kynntur sem íslenskur aktívisti og listamaður. Hann hefur getið sér orð sem virkur mótmælandi gegn virkjunum og var einn af níu sem voru kærð fyrir árás á Alþingi eftir bankahrunið en voru sýknuð.

Kristján Einvarður Karlsson f. 1959 er grafískur hönnuður og ljósmyndari. Hann hefur tekið þátt í bæjarmálum í Mosfellsbæ.

Gunnhildur Hauksdóttir f. 1972 er myndlistarmaður sem hefur búið og starfað í Berlín og Reykjavík.

Gunnhildur og Kristín Ómarsdóttir hafa staðið saman að sýningum á verkum sínum.

Þetta er samkvæmt bestu fáanlegum upplýsingum en settur er almennur fyrirvari þar sem einhver atriði kunna að hafa breyst frá því þessar upplýsingar birtust.

 

 

Kristinn H. Gunnarsson

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af