fbpx
Eyjan

Vilja einfalda upplýsingagjöf fyrirtækja

Ritstjórn Eyjunnar
Þriðjudaginn 15. maí 2018 13:45

Ljósmyndari Matts Lindqvist/norden.org

Auðvelda á norrænum litlum og meðalstórum fyrirtækjum að miðla efnahagsupplýsingum. Upplýsingagjöfin á að fara fram í rauntíma og einnig á að vera hægt að nálgast lánaupplýsingar í rauntíma. Breytingin hefur í för með sér mikla kosti fyrir fyrirtækin og ávinningurinn reiknast í milljörðum.

Þetta er liður í einu markmiði verkefnisins Nordic Smart Government 3.0 sem norrænu atvinnulífsráðherrarnir ýttu úr vör á fundi í Stokkhólmi 15. maí. Verkefnið er til tveggja ára og markmið þess er að Norðurlöndin verði gagnsætt og stafrænt svæði þar sem lítil og meðalstór fyrirtæki geta miðlað efnahagsupplýsingum á öruggan hátt í rauntíma. Það á bæði við um gögn sem fara á milli fyrirtækja og gögn sem fara á milli fyrirtækis og stjórnvalda.

Kerfið býður fyrirtækjum upp á alveg nýja möguleika á að fá lánaupplýsingar hvert um annað og eykur þar með gagnsæi og auðveldar samstarf milli fyrirtækja. Upplýsingagjöfin á auk þess að geta átt sér stað þvert á norræn landamæri og búist er við að þetta auki nýsköpunarkraftinn á öllum Norðurlöndum.

Nordic Smart Government er meðal mikilvægustu norrænu samstarfsverkefnanna á sviði atvinnulífsins á tímabilinu 2018-2020. Þessi einföldum gegnum stafræna væðingu mun veita einstakt tækifæri til þess bæði að veita og taka við efnahagsupplýsingum í rauntíma.

Mikilvægasta verkefnið

„Nordic Smart Government er meðal mikilvægustu norrænu samstarfsverkefnanna á sviði atvinnulífsins á tímabilinu 2018-2020. Þessi einföldum gegnum stafræna væðingu mun veita einstakt tækifæri til þess bæði að veita og taka við efnahagsupplýsingum í rauntíma. Það að Norðurlöndin í heild sinni séu með felur í sér að markaður fyrirtækjanna okkar stækkar verulega,“

segir atvinnulífs- og nýsköpunarráðherra Svíþjóðar, Mikael Damberg, sem nú fer með formennsku norrænu atvinnulífsráðherranna.

Sem stendur er erfitt að fá nýjar fjárhagsupplýsingar um lítil og meðalstór fyrirtæki vegna þess að ársskýrslur þeirra eru oft einu heimildirnar um þær og upplýsingarnar sem skýrslurnar veita geta verið úreltar. Þegar kerfið er gert sjálfvirkt verður hægt á öruggan hátt að fá nýjar upplýsingar um efnahagslega stöðu fyrirtækis.

Virðið reiknað í milljörðum

Samkvæmt nýjum útreikningum sem gerðar voru af Ernst&Young; getur hugsanlegt verðgildi þess að geta miðlað efnahagslegum og fjárhagslegum upplýsingum sjálfvirkt numið allt að 250 milljörðum norskra króna á ári frá árinu 2027 á öllum Norðurlöndunum.

Nordic Innovation er stofnun í Ósló sem heyrir undir Norrænu ráðherranefndina og leggur 28,5 milljónir norskra króna til verkefnisins Nordic Smart Government 3.0. Verkefnið stendur yfir til ársloka 2020. Að því loknu er gert ráð fyrir að kerfið verði innleitt í löndunum.

„Nordic Smart Government styður sýn norrænu forsætisráðherranna um að Norðurlöndin verði samþættasta svæði heims. Verkefnið stuðlar að alþjóðlegri forystu Norðurlandanna og áætlunin getur sömuleiðis orðið vegvísir fyrir Evrópusambandið til þess að koma á fót fyrirtækjaumhverfi með meiri samkeppnishæfni, nýsköpun og hagvexti,“

segir framkvæmdastjóri Norrænu ráðherranefndarinnar, Dagfinn Høybråten.

Verkefnið er mikilvægasta framlag norræns atvinnulífs til Norræn-baltnesku ráðherrayfirlýsingarinnar Digital North sem samþykkt var í apríl 2017. Nordic Smart Government byggir á fyrra samstarfi 2016-2018 þegar vinnuhópur sem skipaður var af gagnagrunnsyfirvöldum landanna lagði grunninn að því samstarfi sem nú á sér stað.

Gervigreind á dagskrá

Á fundinum í Stokkhólmi ákváðu ráðherrarnir einnig að auka samstarfið á sviði gervigreindar og snjallra samgangna.

Á samgöngusviðinu veittu ráðherrarnir stuðning sinn við verkefni sem snýr að grænum, stafrænum og samkeppnishæfum samgöngum og ferðum. Gert er ráð fyrir því að Norðurlöndin geti tengt saman samgöngukerfi sín fyrir fólk, vörur og eignir ásamt því að tengja saman upplýsingakerfi. Þetta er gert til þess að nýta hæfni hvers annars og ná heimsmarkmiðunum um sjálfbæra þróun.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Í gær

Unnur Brá verður fulltrúi ríkisstjórnarinnar í loftslagsmálum

Unnur Brá verður fulltrúi ríkisstjórnarinnar í loftslagsmálum
Eyjan
Í gær

Bjarni fundaði í Indónesíu – Ræddu þær áskoranir sem eru framundan

Bjarni fundaði í Indónesíu – Ræddu þær áskoranir sem eru framundan
Eyjan
Fyrir 2 dögum

Fær ekki að sitja með vinum sínum í matsal Áslandsskóla – Þarf að borða á annarri hæð

Fær ekki að sitja með vinum sínum í matsal Áslandsskóla – Þarf að borða á annarri hæð
Eyjan
Fyrir 2 dögum

Brynjar Níelsson: „Sitthvað er Braggamálið eða Bragamálið í hugum Pírata“

Brynjar Níelsson: „Sitthvað er Braggamálið eða Bragamálið í hugum Pírata“
Eyjan
Fyrir 3 dögum

Sauð upp úr á Suðurlandsbraut: Viðar vill að konur vaski upp og hætti að vinna – „Þú ert svo mikil undirlægja“

Sauð upp úr á Suðurlandsbraut: Viðar vill að konur vaski upp og hætti að vinna – „Þú ert svo mikil undirlægja“
Eyjan
Fyrir 3 dögum

14 mánuðir síðan borgarlögmaður var beðinn um álit vegna braggamálsins – Hefur ekki enn skilað af sér

14 mánuðir síðan borgarlögmaður var beðinn um álit vegna braggamálsins – Hefur ekki enn skilað af sér