fbpx
Eyjan

„Varðandi hatursorðræðu þá ætti Sabien og hennar meðreiðarsveinar í stjórnmálum að líta sér nær“

Ritstjórn Eyjunnar
Þriðjudaginn 15. maí 2018 09:58

Guðmundur Þorleifsson skipar efsta sæti Íslensku þjóðfylkingarinnar

Íslenska þjóðfylkingin tekur ekki undir áskorun Samfylkingarinnar um að hatursorðræða og fordómar gegn innflytjendum verði hvergi notuð í kosningabaráttunni.

Samkvæmt tilkynningu frá stjórn Íslensku þjóðfylkingarinnar, sendi Sabine Leskopf, einn frambjóðenda Samfylkingarinnar, (6. sæti) áskorun á öll framboðin þess efnis, þar sem biðlað er til flokkanna um að fagna frekar fjölmenningarsamfélaginu:

Sabine Leskopf

„Sæl og blessuð. Eins og nefnt var um á fundinum í Ráðhúsinu sl. laugardag vil ég fyrir hönd Samfylkingarinnar bjóða ykkur öllum að taka undir eftirfarandi yfirlýsingu:

Við fögnum fjölmenningarlegt samfélag í Reykjavík og heitum því að nota hvorgi hatursorðræðu í komandi kosningarbaráttunni né að notfæra okkur fordómar gegn innflytjendur.“

 Þetta hlaut ekki góðar undirtektir hjá Íslensku þjóðfylkingunni, sem sá sig knúna til að mótmæla þessari áskorun sérstaklega, þar sem hún samræmist ekki stefnuskrá þeirra:

„Íslenska þjóðfylkingin hefur það ekki á stefnuskrá sinni að styðja við óheftan innflutning hælisleitenda eða flóttamanna á kostnað íslenskra skattgreiðenda eða á kostnað útsvarsgreiðenda í Reykjavík. Íslenska þjóðfylkingin styður ekki fjölmenningarsamfélag á Íslandi í þeim skilningi að hér búi margar þjóðir með sitthvora menninguna eins og allir aðrir flokkar á Alþingi eða núverandi meirihluti í Reykjavík, þar með talinn flokkur Sabien, virðast stefna að. Svo kallað „fjölmenningarsamfélag“ er stefna sem hefur verið þröngvað upp á þjóðina að henni forspurðri,“

segir í tilkynningu Íslensku þjóðfylkingarinnar. Þar segir þó einnig að fylkingin fagni heiðarlegu erlendu fólki :

„Við fögnum heiðarlegu erlendu fólki sem kemur hingað í þeim tilgangi að vinna eða setjast hér að og aðlagast íslensku samfélagi og verða Íslendingar. Ætlun Íslensku þjóðfylkingarinnar er að beina öllum fjárhagslegum mætti borgarinnar til að greiða úr húsnæðisvandræðum Íslendinga í borginni og samfélagslegum og fjárhagslegum vandamálum sem margir borgarbúar standa frammi fyrir en mæta afgangi af hálfu borgaryfirvalda meðan erlendir hælisleitendur ganga fyrir.“

Í niðurlagi tilkynningarinnar er Sabine sagt að líta sér nær þegar kemur að ljótri umræðu. Tekið skal fram að nafn Sabine er vitlaust stafsett hjá Íslensku þjóðfylkingunni:

„Varðandi hatursorðræðu þá ætti Sabien og hennar meðreiðarsveinar í stjórnmálum að líta sér nær því engin gengur jafn hart fram í ljótri orðræðu gegn þeim sem ekki eru sammála Sabien og félögum en þau sjálf, og engin gengur jafn hart fram í að þagga niður umræður um straum hælisleitenda til landsins og hættuna af hugmyndafræði íslam og því kvenhatri og ofbeldi sem felst í boðskap Kóransins en Samfylkingin, femínistar og aðrir flokkar á vinstri væng stjórnmálana.“

 

 

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Í gær

Unnur Brá verður fulltrúi ríkisstjórnarinnar í loftslagsmálum

Unnur Brá verður fulltrúi ríkisstjórnarinnar í loftslagsmálum
Eyjan
Í gær

Bjarni fundaði í Indónesíu – Ræddu þær áskoranir sem eru framundan

Bjarni fundaði í Indónesíu – Ræddu þær áskoranir sem eru framundan
Eyjan
Fyrir 2 dögum

Fær ekki að sitja með vinum sínum í matsal Áslandsskóla – Þarf að borða á annarri hæð

Fær ekki að sitja með vinum sínum í matsal Áslandsskóla – Þarf að borða á annarri hæð
Eyjan
Fyrir 2 dögum

Brynjar Níelsson: „Sitthvað er Braggamálið eða Bragamálið í hugum Pírata“

Brynjar Níelsson: „Sitthvað er Braggamálið eða Bragamálið í hugum Pírata“
Eyjan
Fyrir 3 dögum

Sauð upp úr á Suðurlandsbraut: Viðar vill að konur vaski upp og hætti að vinna – „Þú ert svo mikil undirlægja“

Sauð upp úr á Suðurlandsbraut: Viðar vill að konur vaski upp og hætti að vinna – „Þú ert svo mikil undirlægja“
Eyjan
Fyrir 3 dögum

14 mánuðir síðan borgarlögmaður var beðinn um álit vegna braggamálsins – Hefur ekki enn skilað af sér

14 mánuðir síðan borgarlögmaður var beðinn um álit vegna braggamálsins – Hefur ekki enn skilað af sér