Fyrir nokkru birti ég grein þar sem ég fullyrti að óhugsandi væri annað en að konur yrðu í miklum meirihluta í borgarstjórninni í Reykjavík eftir kosningarnar. Þetta hefur ekki breyst eftir því að framboðslistunum hefur fjölgað. Konurnar í borgarstjórn verða líklega 15 á móti 8 körlum.

Viðreisn og Miðflokkurinn, nýjir flokkar sem virðast öruggir með að komast inn í borgarstjórnina, eru báðir með konur í efstu sætum. Sósíalistaflokkurinn og Flokkur fólksins banka á – líka með konur í efstu sætum.

Gunnar Smári Egilsson er skemmtilega talnaglöggur maður og notaði þá kunnáttu ágætlega til að ergja ráðamenn þegar hann var ungur blaðamður. Nú hefur hann tekið sig til og reiknað út hlutfall kvenna á framboðslistunum í borginni.

Hann skýrir þetta út með því að hann noti vegið hlutfall kvenna meðal tíu efstu á lista flokkanna í Reykjavík (1. sætið vegur 10, 2. sætið 9 o.s.frv.). Niðurstaðan er þá þessi.

100% konur: K-listi Kvennahreyfingin
82% konur: P-listi Píratar
76% konur: H-listi Höfuðborgarsamtökin
64% konur: O-listi Borgin okkar
64% konur: J-listi Sósíalistar
62% konur: V-listi VG

Gunnar Smári lætur ekki staðar numið þarna því hann reiknar líka meðalaldurinn á framboðslistunum í borginni út frá sömu formúlu, semsé veginn meðalaldur tíu efstu á listum framboðanna í Reykjavík (1. sæti vegur 10, 2. sætið 9 o.s.frv.):

59,91 ár: E-listi Íslenska þjóðfylkingin
57,42 ár: F-listi Flokkur fólksins
56,45 ár: Þ-listi Frelsisflokkurinn
49,69 ár: O-listi Borgin okkar
49,18 ár: M-listi Miðflokkurinn
47,67 ár: S-listi Samfylking
46,56 ár: R-listi Alþýðufylkingin
44,58 ár: Y-listi Karlalistinn
43,53 ár: D-listi Sjálfstæðisflokkur
41,36 ár: H-listi Höfuðborgarsamtökin
39,76 ár: V-listi VG
39,75 ár: C-listi Viðreisn
38,85 ár: B-listi Framsókn
37,67 ár: J-listi Sósíalistaflokkurinn
35,93 ár: K-listi Kvennahreyfingin
34,22 ár: P-listi Píratar