fbpx
Eyjan

Að læra af göfugum mistökum

Ritstjórn Eyjunnar
Laugardaginn 12. maí 2018 11:30

Dagur B. Eggertsson, borgarstjóri
Orðið á götunni er að drykkfelldir ofbeldismenn skjálfi nú á beinunum. Og er það ekki vegna þess að þeir séu að reyna að hætta að drekka. Í fyrradag kynnti nefnilega Dagur B. Eggertsson borgarstjóri, fyrir hönd borgarinnar, ásamt fulltrúum lögreglu, slökkviliðs, og skemmtistaðaeigenda, samkomulag um ofbeldislausa og örugga skemmtistaði.
Til að ná fram markmiðum sínum, eiga dyraverðir til dæmis að vera sérstaklega merktir á upphandlegg og munu fulltrúar samkomulagsaðila funda ársfjórðungslega. Þá má ekki afgreiða fólk sem er sýnilega ölvað, eða ekki til þess bært að gæta að eigin öryggi, um áfengi.
Þetta göfuga markmið um að útrýma ofbeldi á skemmtistöðum verður að teljast ansi … göfugt.
Orðið á götunni er að Ingibjörg Sólrún Gísladóttir og Þorsteinn Pálsson ranghvolfi nú augum sínum yfir þessu útspili í aðdraganda borgarstjórnarkosninganna, þar sem þau hafi ekki sérstaklega góða reynslu af göfugum markmiðum af þessu tagi, en í embættum sínum sem borgarstjóri og dómsmálaráðherra árið 1997, kynntu þau stefnu sína um fíkniefnalaust Ísland fyrir árið 2000. (Sem gjarnan var eignað Framsóknarflokknum). Það göfuga markmið náðist ekki.
Orðið á götunni er að alltaf megi læra af göfugum mistökum annarra, því Dagur hafði þó rænu á að setja ekki neinn tímaramma á hvenær nákvæmlega ofbeldið ætti að heyra sögunni til á skemmtistöðunum.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Þeir eru dýrustu þingmennirnir

Þeir eru dýrustu þingmennirnir
Eyjan
Fyrir 3 dögum

Hversu vel þekkir þú íslensk stjórnmál? – Taktu prófið!

Hversu vel þekkir þú íslensk stjórnmál? – Taktu prófið!