fbpx
Eyjan

Gera forgangslista um ESB mál

Ritstjórn Eyjunnar
Föstudaginn 11. maí 2018 17:30

Ríkisstjórnin samþykkti í morgun lista yfir þau mál sem eru í undirbúningi á vettvangi Evrópusambandsins og íslensk stjórnvöld ætla að vakta sérstaklega. Er þetta í annað sinn sem slíkur forgangslisti er samþykktur.

Á listanum nú eru 25 mál af ýmsum toga. Má þar nefna matvælaöryggi, orkumál, loftslagsmál, jafnréttismál og vinnumarkaðsmál. Fyrir hvert mál má finna lýsingu á því hvar málið er statt og hvaða aðgerðir séu fyrirhugaðar til að gæta hagsmuna Íslands. Listinn var unninn í samráði við utanríkismálanefnd Alþingis og hagsmunaaðila. Hér er yfirleitt um að ræða mál þar sem Evrópulöggjöf er í undirbúningi og sem síðar verður tekin upp í EES-samninginn. Listinn tekur mið af mikilvægi mála og getu stjórnkerfisins til að fylgjast með málum.

Sendiráð Íslands í Brussel og sérfræðingar í ráðuneytum og stofnunum hér á landi munu fylgja því eftir að hagsmuna Íslands sé gætt varðandi þau mál sem eru á listanum. Að baki forgangsröðun af þessu tagi býr sú hugsun að nauðsynlegt sé að sinna hagsmunagæslu skipulega í gegnum allt ferli EES-mála, frá því umræður hefjast á vettvangi Evrópusambandsins og þar til gerð er tekin upp í EES-samninginn og innleidd hér á landi.

Frekari upplýsingar má finna á vef utanríkisráðuneytisins um EES mál – EES-samningurinn

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Fyrrum borgarfulltrúi Sjálfstæðisflokksins á meðal húseigenda sem hafa tekið sér land í heimildarleysi og stækkað lóðir sínar

Fyrrum borgarfulltrúi Sjálfstæðisflokksins á meðal húseigenda sem hafa tekið sér land í heimildarleysi og stækkað lóðir sínar
Eyjan
Fyrir 2 dögum

Fjölgun borgarfulltrúa kostar hundruð milljóna

Fjölgun borgarfulltrúa kostar hundruð milljóna
Eyjan
Fyrir 3 dögum

Framsóknarmenn allra flokka hafa komið í veg fyrir lægra matvöruverð hér á landi

Framsóknarmenn allra flokka hafa komið í veg fyrir lægra matvöruverð hér á landi
Eyjan
Fyrir 3 dögum

Óánægja innan Viðreisnar vegna Braggamálsins – Telja flokkinn vera að svara fyrir klúður annarra

Óánægja innan Viðreisnar vegna Braggamálsins – Telja flokkinn vera að svara fyrir klúður annarra