Viðreisn kynnti stefnumál sín í dag fyrir borgarstjórnarkosningarnar í vor. Féll það í skaut Þórdísar Lóu Þórhallsdóttur og Pawels Bartoszek, sem skipa fyrsta og annað sæti lista Viðreisnar, að kynna hvaða áherslur framboðið hefði í borgarmálum.
Viðreisn vill frjálslynda, jafnréttissinnaða og alþjóðlega borg þar sem þjónusta við borgarana er í fyrirrúmi og að borgin sé vel rekin. Útgangspunktur stefnunnar er því að einfalda líf borgarbúa svo allir geti átt betri hverslagsleika.
„Hversdagleikinn er 80-90% af lífi okkar. Af hverju ekki að gera hann 80%-90% betri? Við erum komin hér í dag með breiða og ítarlega stefnu í öllum málaflokkum. En við ætlum að leggja sérstaka áherslu á þrjá
lykilflokka sem okkur hefur þótt skorta pólitíska sýn á hér í aðdraganda kosninga á síðast liðnum vikum. Það eru skólamál, atvinnumál og velferðarmál,”
sagði Þórdís Lóa í inngangi sínum.
Meðal helstu mála Viðreisnar eru:
- Útrýma biðlistum
- Gera sérstakan kjarasamning við kennara Reykjavíkurborgar. Með því má hækka laun kennara og gera staðnað kerfi sveigjanlegra. Þannig gerum við leik- og grunnskólana að eftirsóttum vinnustöðum.
- Tryggja að börn, ekki síst börn á miðstigi (5.-7. bekkur), fái samfellda þjónustu í frístunda- og tómstundastarfi.
- Bæta aðbúnað barna í leik- og grunnskólum.
- Ljúka sameiningu Skóla- og frístundasviðs og þannig tryggja samvinnu skóla og frístundaheimila með því að markmiði að auka samfellu í daglegu lífi barnanna.
- Semja um fjárveitingu til grunnskóla til þriggja ára í senn í stað eins árs. Þannig má veita skólunum aukið svigrúm til að skipuleggja sig fram í tímann og skólastjórum þannig gefið færi á að sinna faglegri stjórnun í stað sífelldrar fjármálastjórnunar.
- Fjölga valkostum í námi og styðjum því fjölbreytt rekstrarform menntastofnana.
- Hafa leikskóla og frístundaheimili opin allt sumarið og gefa þannig barni og foreldrum val um hvaða fjórar samfelldu vikur eru teknar í frí.
- Stækka sérskóla fyrir börn sem eiga í alvarlegum geðrænum, hegðunar- eða félagslegum erfiðleikum.
- Tryggja börnum stuðning við hæfi án tillits til þess hvort greining liggi fyrir en um leið stytta biðtíma eftir greiningum og tryggja úrræði að henni lokinni.
- Tryggja að fjölbreytt dagvistunarúrræði standi börnum til boða að loknu fæðingarorlofi.
- Setja opnun ungbarnadeilda í forgang
- Tryggja að öllum erindum innan stjórnsýslunnar verði hægt að sinna rafrænt. Þetta á við um allar fyrirspurnir, umsóknir, eða beiðnir um úttektir.
- Setja metnaðarfull tímamörk í afgreiðslu umsókna og standa við þau.
- Tryggja gott framboð af húsnæði til atvinnureksturs
- Gera það að byggja í Reykjavík auðveldara, m.a. með því að fækka skrefum hjá byggingarfulltrúa, sameina úttektir og stytta afgreiðslutíma.
- Lækka fasteignaskatta á atvinnuhúsnæði.
- Tryggja það að öllum erindum innan stjórnsýslunnar sé hægt að sinna rafrænt.
- Bjóða upp á ráðgjöf og útbúa aðgengilega gátlista fyrir ólík rekstrarform.
- Endurskipuleggja ráð borgarinnar þannig að eitt þeirra horfi sérstaklega til atvinnumála.
- Hafa frumkvæði að þjónustu við aldraða og fatlað fólk í stað þess að hver og einn þurfi að leita að og óska eftir þjónustu við hæfi.
- Tryggja samfella stuðningsþjónustu fyrir fatlað fólk.
- Fjölga sértækum búsetuúrræðum fyrir fatlað fólk um 100.
- Gera heimaþjónustu og heimahjúkrun fyrir aldraða heilsteypta.
- Fjölga dagvistarúrræðum aldraðra um 40.
- Auka þjónustu og stuðning við böðun aldraðra.
- Borgarsjóður rekinn með afgangi
- Malbikunarstöðin Höfði seld og skuldir greiddar upp
- Fækkun og sameining ráða
- Gert ráð fyrir tekjum af gistináttagjaldi
- Aukin þjónusta fjármögnuð með uppfærslu gjaldskráa
