Danir hafa lengi verið sér á báti með sitt kóngablæti. Líkjast helst Englendingum þar sem lítið er gert til að vinda ofan af forréttindastöðu drottningarinnar og slektis hennar. En enska kóngafólkið má þó eiga að það hefur aðdráttarafl fyrir túrista – og það er milljarðaiðnaður að gera sjónvarpsþætti um það sem er sýndir út um víða veröld.
Það er semsagt nokkur eftirspurn til staðar.
Hún er minni hvað varðar dönsku konungsfjölskylduna. Hún er eiginlega bara til heimabúks. Og svo er það Ísland – hér er nokkur áhugi á fréttum og sögum af dönsku kóngafólki, þetta eimir eftir frá þeim tíma að við vorum dönsk hjálenda og síðar frá tímabili dönsku blaðanna.
Við ætlum til dæmis að fagna 100 ára fullveldisafmæli þjóðarinnar með því að bjóða dönsku drottningunni til landsins.
Í Svíþjóð og Noregi hafa menn gert gangskör að því að vinda ofan af hátignarstandinu. Þar hefur til dæmis verið þrengt að eignastöðu konungsættanna og skrúfað niður í forréttindunum. En svo er ekki í Danmörku.
Á myndinni hér að ofan er grafhvelfingin sem Margrét drotting verður lögð í hinstu hvílu í dómkirkjunni í Hróarskeldu. Hún hefur verið í vinnslu síðan 2003. Hinrik prins kærði sig ekki um að liggja þarna.
Lesendur geta svo spreytt sig á dönskunni með því að skoða þessa lýsingu sem birtist á síðu dönsku hirðarinnar.
Soklen er udformet i sandsten fra Frankrig, og de tre søjler, der bærer sarkofagen, er i henholdsvis dansk granit, færøsk basalt og grønlandsk marmor. Elefanthovederne på søjlerne er støbt i sølv. Selve sarkofagen er i støbt glas, og i et hulrum i glasset er der på indersiden sandblæst to liggende figurer, der repræsenterer Dronningen og Prins Henrik. På toppen findes allegorier, heraldik og symboler i forgyldt bronze. Dronningen vil blive stedt til hvile i en krypt under gravmælet.