fbpx
Eyjan

Litla Ísland, fegurðin í samfloti forsætisráðherrans og strokufangans

Egill Helgason
Þriðjudaginn 17. apríl 2018 18:36

Það er lán í óláni að strokufanginn sem flaug með Katrínu Jakobsdóttur til Stokkhólms í morgun er ekki talinn hættulegur. Þá myndi þetta líklega horfa öðruvísi við. Það er svosem viðbúið að komi upp umræða um herta landamæragæslu, en við erum aðilar að bæði Schengen og Norræna vegabréfasambandinu.

Það er vitað að Katrín ferðaðist á almennu farrými – slíkar kröfur eru gerðar til stjórnmálamanna hér þótt þeim yrði sjálfsagt meira úr verki ef þeir sætu á Saga Class. Og þótt við vitum það ekki gjörla, þá ímyndum við okkur að strokufanginn, Sindri Þór Stefánsson, hafi verið á Saga Class. Það væri nánast eitthvað ljóðrænt við það.

Við erum stundum minnt á smæð landsins og fámennið. Vinur minn á Facebook, Ólafur Óskar Axelsson, orðar þetta betur en ég gæti:

Ég, eins og margir fleiri, hef oft verið að tuða um að fámennið væri jafnt lán okkar og ólán, við værum öll „hvert ofan í öðru“ en þeim er eiginlega alls varnað sem sjá ekki fegurðina í samfloti Katrínar og strokufangans, þetta er okkar saklausa útgáfa af Fríðu og dýrinu …

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Leigjendur segja að borgin hafi ekki sinnt ábendingum Umboðsmanns

Leigjendur segja að borgin hafi ekki sinnt ábendingum Umboðsmanns
Eyjan
Fyrir 2 dögum

Unnur Brá verður fulltrúi ríkisstjórnarinnar í loftslagsmálum

Unnur Brá verður fulltrúi ríkisstjórnarinnar í loftslagsmálum