fbpx
Eyjan

„Annaðhvort er fólk að fylgja hagsmunum FH og setja þá ofar hagsmunum bæjarbúa, eða það er bara að hugsa um prófkjör og atkvæði“

Ritstjórn Eyjunnar
Föstudaginn 13. apríl 2018 08:23

Borghildur Sturludóttir Mynd-hafnarfjordur.bjortframtid.is

Borghildur Sturludóttir, bæjarfulltrúi Bjartrar framtíðar sem var látin taka poka sinn úr skipulags- og byggingaráði í fyrradag á hinum mikla hitafundi í Hafnarfirði, kennir íþróttafélögunum FH og Haukum um þau átök sem geysað hafa í bæjarstjórn að undanförnu, en bæði félög hafa þrýst mikið á um byggingu knatthúsa:

„Við höfum verið að tækla fullt af erfiðum málum og iðulega verið samhugur um að gera vel. Nema þarna, þarna er alger klofningur. Annaðhvort er fólk að fylgja hagsmunum FH og setja þá ofar hagsmunum bæjarbúa, eða það er bara að hugsa um prófkjör og atkvæði,“

segir Borghildur í Fréttablaðinu í dag. Borghildur hefur verið ósammála Sjálfstæðisflokknum og meirihlutanum í knatthúsmálinu, en hún lagði til óháða staðarvalsgreiningu fyrir nýtt knatthús:

„Ég er ekki kosin til að vera sammála Sjálfstæðisflokknum og mér finnst alveg sjálfsagt að það sé tekist á um mál og aðferðafræði, en ég er engin átakakona,“

segir Borghildur ennfremur.

Ákveðið hafði verið að Haukar og FH fengu sitt knatthúsið hvor, en BF setti sig á móti því og tók afstöðu með minnihlutanum. Þá var ákveðið að FH fengi annað knatthús á sínu svæði, sem Haukar voru ósáttir við. Þegar verkið fór síðan í alútboð spruttu upp deilur að nýju, þar sem vinna við útboðsgögn var gagnrýnd af BF, þar sem þau þóttu sniðin að formanni knattspyrnudeildar FH, sem sendi inn tilboð sem umboðsaðili finnsks fyrirtækis, en lægsta tilboðið er 50% hærra en gert er ráð fyrir í fjárhagsáætlun, að því er fram kemur í Fréttablaðinu og málið ekki verið afgreitt ennþá.

Meirihlutasamstarf Sjálfstæðisflokksins og Bjartrar framtíðar virðist hafa sprungið vegna málsins, tveir bæjarfulltrúar hafa sagt sig úr Bjartri framtíð og fulltrúar flokksins í ráðum og nefndum bæjarins reknir þaðan, en það mál er til skoðunar hjá innanríkisráðuneytinu.

Þá skrifaði Björt Ólafsdóttir, formaður Bjartrar framtíðar, langa færslu á Facebook í gær hvar hún harmaði þá þróun sem hefði átt sér stað hjá flokknum í Hafnarfirði.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 8 klukkutímum

Uppruni þórðargleðinnar

Uppruni þórðargleðinnar
Eyjan
Fyrir 19 klukkutímum

Guðbjartur verður framkvæmdastjóri Herjólfs

Guðbjartur verður framkvæmdastjóri Herjólfs
Eyjan
Í gær

Ólína spyr Brynjar: „Finnst þér virkilega að grunnþjónusta á borð við heilbrigðisþjónustu eigi að vera hagnaðardrifin?“

Ólína spyr Brynjar: „Finnst þér virkilega að grunnþjónusta á borð við heilbrigðisþjónustu eigi að vera hagnaðardrifin?“
Eyjan
Í gær

Reykjavík er næstdýrasta borg í Evrópu – Með dýrasta bjórinn og dýrustu söfnin

Reykjavík er næstdýrasta borg í Evrópu – Með dýrasta bjórinn og dýrustu söfnin
Eyjan
Fyrir 2 dögum

Fullyrti það að Sigmundur hefði haft einn aðstoðarmann – Þeir voru í reynd sjö

Fullyrti það að Sigmundur hefði haft einn aðstoðarmann – Þeir voru í reynd sjö
Eyjan
Fyrir 2 dögum

Vinstri Græn rekin með 13,7 milljóna tapi í fyrra

Vinstri Græn rekin með 13,7 milljóna tapi í fyrra