Þeim Borghildi Sturludóttur og Pétri Óskarssyni, bæjarfulltrúum Bjartar framtíðar í Hafnarfirði, hefur verið vikið úr öllum nefndum og ráðum sem þau sátu í fyrir hönd BF, af meirihluta Sjálfstæðismanna. Frá þessu er greint í Fréttablaðinu og Fjarðarfréttum.

Forseti bæjarstjórnar, Guðlaug Kristjánsdóttir, lagði fram tillögu þess efnis á bæjarstjórafundi í gær að víkja tvíeykinu frá, en þessi niðurstaða hefur legið í loftinu eftir úrsögn þeirra Guðlaugar Kristjánsdóttur og Einari Birki Einarssyni úr flokknum.

Eiga Helga Björg Arnardóttir og Hörður Svavarsson að koma inn í staðinn.

Það hitnaði í kolunum á fundinum í gær hvar tillögu Guðlaugar var harðlega mótmælt af Gunnari Axel Axelssyni, bæjarfulltrúa Samfylkingarinnar. Gera þurfti klukkustundar hlé á fundinum og vísa gestum út, en ómur af öskrum bæjarfulltrúa heyrðust víst út á götu samkvæmt Fjarðarfréttum.

Tillagan var að lokum samþykkt með sjö atkvæðum, en fulltrúar Samfylkingar og Vinstri grænna sátu hjá og létu bóka að þau gætu ekki tekið afstöðu með málinu eins og það var sett fram.

Samkvæmt heimildum Fréttablaðsins hefur ákvörðunin þegar verið kærð til ráðuneytisins