Eyjan

Björt svarar fyrir sig: „Össur krúttmús fer með gífuryrðum fram til þess að reyna að pirra fólk eins og mig“

Trausti Salvar Kristjánsson skrifar
Mánudaginn 12. mars 2018 15:58
Björt Ólafsdóttir, formaður Bjartrar framtíðar.
Mynd: DV

Björt Ólafsdóttir, formaður Bjartrar framtíðar, svarar fyrir sig á Facebooksíðu sinni í dag, en Össur Skarphéðinsson hafði fyrr í morgun skrifað um endalok Bjartrar framtíðar í minningargreinastíl, eftir að ljóst var að flokkurinn myndi ekki bjóða fram lista í borgarstjórnarkosningum.

 

„Jæja hvað annað er að frétta en að Össur krúttmús fer með gífuryrðum fram til þess að reyna að pirra fólk eins og mig og fá fyrir vikið fleiri fyrirsagnir og myndir af sjálfum sér á miðlunum. Ég skil vel að það sé erfitt að það sé enginn lengur að pæla i því hvað maður sé að gera, tengi meira að segja við tilfinninguna -gamla sem er ekki lengur ráðherra eða neitt! En þessi aðferð til þess að koma sér í umræðuna er heldur þreytt,“

 

segir Björt. Þá sakar hún Össur einnig um hrútskýringar:

 

„Ef ég ætti krónu fyrir hvert skipti sem margir ágætir karlar á miðjum (en fínum) aldri hafa boðist til þess að útskýra veruleikann fyrir mér og öllum hinum um ýmis mál, eins og stjórnmálaflokkinn Bjarta Framtíð, ja þá væri ég moldrík elskurnar mínar. Annars bara góð að njódda og liffa.“

(Hrútskýring: Þegar karlmenn útskýra eitthvað fyrir konum á yfirlætislegan og lítillækkandi hátt og gefa sér að þeir viti betur.)

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af