Eyjan

Norskir atvinnurekendur skera upp herör gegn brotastarfsemi

Egill Helgason
Fimmtudaginn 18. janúar 2018 20:01

Kannski stærsta ránið á fjármunum samfélagsins. Þetta segir Kristin Skogen Lund, framkvæmdastjóri NHO, samtaka atvinnulífsins í Noregi í frétt sem birtist á vef NRK. Við þurfum að bregðast harðar við. Hún er að bregðast við skýrslu sem kom út á síðasta ári undir yfirskriftinni Analyse av former, omfang og utvikling av arbeidslivskriminalitet og fjallar um brotarfsemi í atvinnulífinu – skýrslan er unnin í samstarfi við norska skattinn.

Þar kemur fram að brotastarfsemi í atvinnulífinu kosti Norðmenn 28 milljarða norskra króna árlega, það eru hátt í 400 milljarðar íslenskra króna. Eins og segir í frétt NRK mætti vinna mörg þýðingarmikil samfélagsleg verkefni fyrir þá fjárhæð.

Lund segir að atvinnurekendur verði sjálfir að taka frumkvæðið gegn þeim sem gerast brotlegir. Það útheimti meira eftirlit, meiri ábygð fyrirtækja gagnvart þeim sem þau eiga viðskipti við, meira gegnsæi, samfélagslega ábygð og að tryggt sé að farið sé eftir ákvæðum um kjör og starfsaðstæður.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af