Eyjan

Setur spurningamerki við líkamstjáningu Viðars

Ari Brynjólfsson
Fimmtudaginn 11. janúar 2018 16:33

Áslaug Friðriksdóttir og Viðar Guðjohnsen. Samsett mynd/DV

Reynir Traustason stjórnarformaður Stundarinnar setur spurningamerki við hendi Viðars Guðjohnsens á öxl Áslaugar Maríu Friðriksdóttur á forsíðumynd Fréttablaðsins í dag.

Myndin sýnir frambjóðendurnar fimm sem bjóða sig fram til að leiða Sjálfstæðisflokkinn í Reykjavík, þau Vilhjálm Bjarnason, Viðar, Áslaugu Maríu, Kjartan Magnússon og Eyþór Arnalds. Reynir vekur athygli á því á Fésbók að hendi Viðars er á öxl Áslaugar Maríu:

Frambjóðandinn Viðar Guðjohnsen er æði kumpánlegur við kvenframbjóðandinn Áslaugu Friðriksdóttur og hefur lagt hönd á öxl hennar af einhverri ástæðu. Á hægri hönd við hann er Vilhjálmur Bjarnason, fallinn þingmaður. Hann fær ekki sömu trakteringu hjá frambjóðandanum. Hægri hönd Viðars leggur sem lömuð við hlið hans,

segir Reynir og bætir við:

Aðrir á myndinni eru einnig fjarlægir hvor öðrum. Nú er alls ekki víst að þetta sé kynbundin hegðun. Vilhjálmur þykir skapstór og kantaður og kannski þorði Viðar ekki að fara í beina snertingu. En óneitanlega áhugaverð líkamstjáning hjá borgarstjóraefninu Viðari.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af