Katrín Jakobsdóttir sómir sér vel í forgarði Elyseé-hallar í París með Emmanuel Macron, forseta Frakklands, líkt og má sjá í þessari frétt á mbl.is. Katrín var þarna í dag á fundi vegna tveggja ára afmælis Parísarsamkomulagsins.
Katrín er að hefja feril sinn sem forsætisráðherra – þetta er í fyrsta sinn sem hún kemur fram sem slík á alþjóðavettvangi. Kemur á fundinn með metnaðarfull markmið í loftslagsmálum, vinsæll stjórnmálamaður sem miklar væntingar eru gerðar til. Maður sér ekki betur en að hlutverkið fari henni vel.