Eyjan

Stjórnarandstaðan þiggur formennsku þriggja fastanefnda Alþingis- „Ekki nema hæfilega ánægð“

Trausti Salvar Kristjánsson skrifar
Mánudaginn 11. desember 2017 13:34
Logi Einarsson formaður Samfylkingarinnar. Mynd/Sigtryggur Ari

Stjórnarandstaðan ákvað í morgun að taka við formennsku í þeim þremur fastanefndum sem ríkisstjórnin hafði boðið þeim. Þetta staðfesti Logi Einarsson formaður Samfylkingarinnar við Eyjuna. Að sögn Loga mun Samfylkingin fara með formennsku í stjórnskipunar- og eftirlitsnefnd fyrstu tvö árin, en skiptast síðan á við Pírata, sem fara fyrir velferðarnefnd fyrstu tvö árin. Þá mun Miðflokkurinn gegna formennsku í umhverfis- og samgöngunefnd.

 

 

„Það náðist samkomulag um þessar þrjár nefndir, en við vorum auðvitað ekki nema hæfilega ánægð með þetta fyrirkomulag ríkisstjórnarinnar, þar sem þetta er engin breyting á því sem verið hefur, en við töldum að fyrst ný vinnubrögð hefðu verið boðuð yrði komið betur til móts við stjórnarandstöðuna. En þetta er niðurstaðan og við látum á þetta reyna,“

sagði Logi. Hann segir ekki búið að ákveða hverjir verða formenn nefndanna.

„Nei ekki ennþá, en ég reikna með að það verði gert í dag eða á næstu dögum.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af