Eyjan

Sprenging í bílainnflutningi-Nýtt skráningarkerfi tekið í notkun

Trausti Salvar Kristjánsson
Miðvikudaginn 6. desember 2017 13:30

Sprenging hefur orðið í innflutningi bíla síðustu ár og nú er svo komið að fjöldi skráðra ökutækja hefur aldrei verið meiri, eða síðan árið 2005. Frá hruni hefur aukningin verið stöðug upp á við, jafnvel svo hröð að Samgöngustofa hefur ekki haft undan við að skrá ökutæki, sem valdið hefur töfum á afhendingu þeirra. Nú hefur Samgöngustofa innleitt nýtt forskráningarkerfi, sem gerir innflutningsaðilum og bílaumboðum kleift að forskrá ökutæki sjálfir og flýtt þannig fyrir ferlinu öllu.

 

„Þessi rafræna lausn á við um ný gerðarviðurkennd ökutæki og er ætlað að spara tíma, bæði í forskráningum og umsýslu gagna. Til að innflutningsaðilar geti forskráð sjálfir þurfa þeir að tengjast þessari rafrænu þjónustu í gegnum sín kerfi. Hefur þeim verið kynnt nýja kerfið og nú þegar hafa þrjú bílaumboð, Askja, Toyota og Hekla, hafið undirbúning þess að nýta það og fleiri innflutningsaðilar munu fylgja í kjölfarið,“

segir Þórhildur Elínardóttir, samskiptastjóri Samgöngustofu.

 

Hér að neðan má sjá þróun skráðra ökutækja frá árinu 2000.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af