Eyjan

Björn Bjarna líkir Jóhönnu Sigurðardóttur við Donald Trump

Trausti Salvar Kristjánsson
Mánudaginn 4. desember 2017 12:01

Björn Bjarnason fer mikinn á heimsíðu sinni í dag um pistil Egils Helgasonar hér á Eyjunni frá því í gær, er fjallar um Dag B. Eggertsson borgarstjóra. Þá líkir hann orðbragði Jóhönnu Sigurðardóttur við sjálfan Donald Trump, forseta Bandaríkjana:

„Dýrðaróðurinn um Jóhönnu Sigurðardóttur er í hróplegri andstöðu við orð hennar um samherja sína. Árni Páll Árnason, eftirmaður hennar á formannsstóli, eyðilagði stjórnarskrármálið. Ásta Ragnheiður Jóhannesdóttir, forseti alþingis, var handbendi stjórnarandstöðunnar. Meira að segja Steingrímur J. Sigfússon er skammaður fyrir að hafa falið Svavari Gestssyni að semja um Icesave sem Jóhanna var auðvitað á móti. Sjálfstæðismenn voru einfaldlega „andstyggilegir“ Sé litið til einhvers stjórnmálamanns líðandi stundar til samjöfnuðar við orðbragðið sem Jóhanna notar um þá sem hún telur að hafi gert eitthvað á sinn hlut kemur Donald Trump fyrst í hugann. Sú stund kann að renna upp að álitsgjafar í Bandaríkjunum telji það repúblíkönum helst til bjargar að Trump hafi verið forseti.“

 
Þá dregur Björn þá ályktun frá pistli Egils Helgasonar, að til hafi staðið hjá Degi að bjóða sig ekki undir merkjum Samfylkingarinnar.

„Af þessum orðum má ráða að á einhverju stigi máls hafi Dagur B. íhugað að bjóða sig ekki fram undir merkjum Samfylkingarinnar. Hann komst í borgarstjórn undir handarjaðri Ingibjargar Sólrúnar en gekk í Samfylkinguna með henni og var um tíma varaformaður flokksins. Nú ræður að sögn Egils minningin um Jóhönnu Sigurðardóttur því að Samfylkingin gengur í endurnýjun lífdaganna og að Dagur B. vill að nýju kannast við flokkinn.“

 

Pistil Björns má lesa hér í heild sinni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af