Eyjan

Páll Magnússon æfur: Styður ekki ráðherralistann

Ari Brynjólfsson
Fimmtudaginn 30. nóvember 2017 12:40

Páll Magnússon þingmaður Sjálfstæðisflokksins.

Páll Magnússon oddviti Sjálfstæðisflokksins í Suðurkjördæmi verður ekki ráðherra í ríkisstjórninni. Er þetta í annað skiptið á einu ári sem hann kemst að því að hann verður ekki ráðherra og studdi hann ekki ráðherralistann sem Bjarni Benediktsson formaður lagði fyrir þingflokkinn:

Í annað sinn á innan við ári hefur formaður Sjálfstæðisflokksins nú gengið framhjá Suðurkjördæmi þegar kemur að ráðherraskipan í ríkisstjórn sem flokkurinn á aðild að. Þetta gerist þrátt fyrir að kjördæmið sé annað höfuðvígi Sjálfstæðisflokksins á landinu,

segir Páll á Fésbók, hann bætir við:

Ég mótmælti því harðlega í samtali við formanninn í morgun að hlutur kjördæmisins skuli þannig vera fyrir borð borinn og tilkynnti honum að af þessari ástæðu gæti ég ekki stutt þann ráðherralista sem hann lagði fyrir þingflokkinn.Áréttað skal að ég greiddi atkvæði með stjórnarsáttmálanum og styð ríkisstjórnina.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af