Eyjan

Ný stjórn að fæðast ?

Trausti Salvar Kristjánsson skrifar
Föstudaginn 10. nóvember 2017 19:26
Katrín Jakobsdóttir formaður Vinstri Grænna og Bjarni Benediktsson formaður Sjálfstæðisflokksins.

Ríkisstjórn VG, Sjálfstæðisflokksins og Framsóknar virðist nú vera í uppsiglingu. Viðræður flokkanna í dag hafa samkvæmt heimildum Eyjunnar gengið vel, mun betur en í fyrra, en þar virðist skipta sköpum að tekist hafi að róa bakland VG, sem hingað til hefur ekki viljað samstarf með Sjálfstæðisflokknum. Ástæðan ku meðal annars vera sú að kröfu flokksins um að Katrín Jakobsdóttir verði forsætisráðherra í þeirri stjórn, verði mætt.

 

 

Fari allt í handaskol í viðræðum við Sjálfstæðisflokkinn og Framsókn, eitthvað sem gæti gerst þegar
byrjað verður að ræða um skiptingu ráðuneyta til dæmis, mun Katrín Jakobsdóttir samt geta myndað stjórn
með Pírötum, Viðreisn og Samfylkingu, að því gefnu að Framsókn kæmi að þeirri stjórn einnig.
Spurningin er því hvort Katrín sé til í allt nema Bjarna og Sigmund, en lítið hefur heyrst úr herbúðum
Miðflokksins í dag.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af