Eyjan

Bleikt

Orðið á götunni

Af samherjum

Fimmtudagur 19.apríl 2018
Eyjan

Illa lesinn sýslumaður

Egill Helgason skrifar
Fimmtudaginn 19. október 2017 12:26

Í nútímasamfélagi finnst manni fátt tilgangslausara en þóttafullir embættismenn. Á árum áður var landið fullt af slíkum mönnum, en almennt held ég að ástandið hafi skánað í þessum efnum.

Sýslumaðurinn í Reykjavík kemur á fund þingnefndar vegna lögbannsins á Stundina. Hann er spurður um álit sitt á erindi sem barst um lögbannið frá Öryggis- og samvinnustofnun Evrópu. Íslendingar eru aðilar að þessari stofnun.

Sýslumaðurinn segist ekki hafa séð yfirlýsinguna – af því hún var ekki send honum sérstaklega. Því segist hann ekki vita hvað var í þessu skjali. Það virkar á mann eins og honum þyki þetta voða flott hjá sér.

Fréttir af yfirlýsingu ÖSE voru í öllum fjölmiðlum í gær. Það er ekki beinlínis erfitt að finna þær á netinu. Með einum til tveimur smellum hefði sýslumaðurinn getað kynnt sér málið – og búið sig þannig undir fundinn með nefndinni.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af