Eyjan

Þorgerður Katrín orðin formaður Viðreisnar

Ari Brynjólfsson
Miðvikudaginn 11. október 2017 18:16

Þorgerður Katrín Gunnarsdóttir formaður Viðreisnar. Mynd: DV/Sigtryggur Ari

Þorgerður Katrín Gunnarsdóttir er orðin formaður Viðreisnar. Þingflokkur Viðreisnar fundaði á skrifstofu flokksins í dag þar sem staða Benedikts Jóhannessonar var rædd. Var það niðurstaða fundarins að Benedikt myndi víkja fyrir Þorgerði Katrínu. Óánægja hefur verið með framgöngu Benedikts að undanförnu og skoðanakannanir benda til að flokkurinn muni bíða afhroð í komandi kosningum. Voru klaufaleg ummæli Benedikts á RÚV í byrjun vikunnar ekki til að auka ánægju þingflokksins. Heimildir Eyjunnar herma að Þorgerður Katrín hafi sóst eftir formannsstöðunni frá því að boðað var til kosninga í lok september. Heimildir Vísis benda til að Jóna Sólveig Elínardóttir verði áfram varaformaður.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af