Eyjan

Segir fjárlögin „aðför að heimilisbílnum“ – Skattahækkun á ungt fólk á landsbyggðinni

Ari Brynjólfsson
Miðvikudaginn 13. september 2017 09:42

Runólfur Ólafsson framkvæmdastjóri FÍB.

Runólfur Ólafsson framkvæmdastjóri FÍB segir að fjárlagafrumvarp næsta árs sé „aðför að heimilisbílnum“, en verð á bensíni og dísilolíu kemur til með að hækka ef frumvarpið verður samþykkt í óbreyttri mynd.

Áætlað er að hækka bensín um 8 krónur á lítrann og dísilolíu um 18 krónur. Það þýðir bensín komi til með að kosta rúmlega 213 krónur á dýrari bensínstöðvum og 186 krónur á ódýrari stöðvum. Verð á dísilolíu myndi verða það sama og á bensínu, myndi verðið hækka úr 168 krónum í 186 krónum á ódýrari stöðvum en á dýrari stöðvum myndi dísilolía kosta 213 krónur. Bensínverð hjá Costco yrði um 178 krónur og verð á dísilolíu um 173 krónur.

Runólfur segir í samtali við Morgunblaðið í dag að þetta sé aðför að heimilisbílnum. Sigurður Ingi Jóhannsson formaður Framsóknarflokksins segir að fyrirhuguð hækkun muni koma verst niður á þeim sem þurfi að aka langar vegalengdir á landsbyggðinni:

Ungt fólk hefur verið að flýja hátt fasteignaverð höfuðborgarsvæðisins. Rafbílinn er enn sem komið er ekki valkostur fyrir þetta fólk,

segir Sigurður Ingi:

Þetta er skattahækkun á það fólk.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af