Brynjar Níelsson þingmaður Sjálfstæðisflokksins segir að ólíkt Loga Einarssyni formanni Samfylkingarinnar þá telji þeir hjartalausu að heilinn skipti meira máli. Í færslu á Fésbók segir Brynjar að uppgötvast hafi nýr minnihlutahópur, sem hefur fengið viðurnefnið hjartalausir lögfræðingar í Sjálfstæðisflokknum:
Gott ef ég er ekki andlit hópsins. Þótt meðlimir þessa hóps vilji láta jafnt yfir alla ganga, farið sé að lögum almennt og ekki uppfullir af tilfinningaklámi, eru þeir nú ekki hjartalausir og hafa mikinn skilning á tilfinningum fólks,
segir Brynjar:
Formaður Samfylkingarinnar hefur mikið lagt upp úr því að láta hjartað ráða almennt og hefur minni áhyggjur af heilanum. Við hjartalausu teljum heilann skipta miklu máli, sérstaklega hjá þeim sem eiga að stjórna landinu.