fbpx
Sunnudagur 17.febrúar 2019
Eyjan

Ungir múslimar á Vesturlöndum styðja jafnrétti kynjanna – Íhaldsamari þegar kemur að samkynhneigð

Ari Brynjólfsson
Mánudaginn 4. september 2017 18:43

Ekki missa af Helstu tíðindum dagsins í pósthólfið þitt

Lesa nánar

Ungar konur í mosku í Osló. Fyrirhugað er að opna frjálslynda mosku í Osló á næsta ári þar sem hinsegin fólk er velkomið. Mynd/RT

Stór hluti múslimskra ungmenna í Noregi styður ríkjandi hugmyndir um jafnrétti kynjanna og byggja ungmennin viðhorf sín á trúnni, meiri íhaldssemi er þó í garð samkynhneigðar en fáir vilja þó að samkynhneigð verði refsiverð með lögum. Í rannsókn Levi Geirs Eidhamar guðfræðings við Háskólann í Agder tók hann djúpviðtöl við 24 ungmenni sem trúa á Íslam og bar saman tengsl almennra breytinga á viðhorfum þjóðfélagsins og breytinga á viðhorfum kristinna og múslima sem grundvallast á trúarbrögðum, hvernig ungmennin túlka kennisetningar trúarinnar í garð samkynhneigðar og kynjajafnréttis.

Jon Horgen Friberg félagsfræðingur, sem sá um rannsókn Fafo í fyrra, segir að þróunin bendi til vaxandi umburðarlyndis í garð samkynhneigðar, sér í lagi þegar litið sé til margir eigi rætur að rekja til landa þar sem samkynhneigð sé refsiverð. Mynd/Fafo

Samkvæmt niðurstöðum viðhorfskönnunar rannsóknarstofnunarinnar Fafo frá árinu 2016 er nokkur munur á viðhorfum ungmenna eftir því hvort þau séu innflytjendur eða eigi innfædda foreldra. Tilhneigingin er að gjáin milli viðhorfanna fari minnkandi, sér í lagi þegar litið sé til viðhorfanna í löndunum þaðan sem innflytjendurnir koma. Í ljós kom að viðhorfin gagnvart jafnrétti kynjanna eru nálægt eða á pari við viðhorf Norðmanna, en viðhorf til hinsegin fólks eru hins vegar nokkuð íhaldssamari en meðal Norðmanna.

Eidhamar segir að ungir norskir múslimar séu undir áhrifum norskra jafnréttisviðhorfa þegar kemur að túlkun þeirra á trúarsetningum en að þeir upplifi það ekki þannig:

Fyrir þeim snýst þetta ekki um norsk gildi, þetta snýst um hina einu sönnu trú. Þeir efast um túlkanir foreldra sinna, sem þeir segja að séu dæmigerðar fyrir upprunaland þeirra. Ungmennin fullyrða að foreldrar sínir séu „blindir að halda að þetta sé múhameðstrú“ og með því að leita í upphafið – Kóraninn og hadíðurnar – þá séu þau með hina réttu þekkingu á sannri trú. Samtímis geti þau verið blind á það að norsk gildi gætu hafa haft áhrif á þeirra eigin trúarlegu túlkanir.

Levi Geir Eidhamar guðfræðingur. Mynd/Háskólinn í Agder

Líkir hann viðhorfsbreytingu múslima til breytinga meðal kristinna manna á viðhorfum sínum á síðari hluta 20.aldar:

„Viðhorfin til kynhlutverka breyttust fyrst og síðan breyttust viðhorfin til samkynhneigðar. Það er ekki skrítið að kynjajafnréttið hafi komið á undan þar sem konur eru stór og sýnilegur hópur í þjóðfélaginu á meðan samkynhneigðir eru minnihluti og síður sýnilegir.“

Nefnir hann sem dæmi baráttu norsku kirkjunnar gegn því að hætt yrði að flokka samkynhneigð sem geðsjúkdóm og þegar kirkjan barðist gegn því að samkynhneigð yrði viðurkennd í norskum lögum, síðan þá hafi komið fram nýjar túlkanir á trúartextum og nú noti margir jafnvel trúnna til að rökstyðja umburðarlyndi í garð hinsegin fólks. Eidhamar segir að sama sé uppi á teningnum hjá ungum norskum múslimum þegar kemur að jafnrétti kynjanna:

Næstum allar konurnar og flestir karlarnir studdu að öllu leyti þær hugmyndir um jafnrétti kynjanna sem eru við lýði í norsku samfélagi. Þetta hafði áhrif á það hvaða heilaga texta þau vitnuðu í og hvernig þau túlkuðu þá,

Í Indónesíu er samkynhneigð refsiverð, Eidhamar segir að bæði þar og í Noregi líti menn á sig sem fylgjendum heilagra ritninga, munurinn sé á hvernig þær séu túlkaðar. Mynd/Getty

segir Eidhamar. Meiri íhaldssemi er þó í garð samkynhneigðra en fáir telji þó að samkynhneigð ætti að vera ólögleg:

„Meirihluti norskra íhaldssamra múslima myndu segja að samkynhneigðir sem búa saman verði refsað eftir dauðann, en ekki að þeir ættu að hljóta refsingu hér og nú.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Reykjavíkurborg veitti tæpar 88 milljónir í styrki til velferðarmála

Reykjavíkurborg veitti tæpar 88 milljónir í styrki til velferðarmála
Eyjan
Fyrir 2 dögum

Þegar Morgunblaðsmerkið gnæfði enn yfir bænum og hakakross Eimskipafélagsins var ekki falinn

Þegar Morgunblaðsmerkið gnæfði enn yfir bænum og hakakross Eimskipafélagsins var ekki falinn
Eyjan
Fyrir 2 dögum

Hreiðar og Magnús dæmdir sekir en fá enga refsingu – Lögfræðikostnaður fellur á almenning

Hreiðar og Magnús dæmdir sekir en fá enga refsingu – Lögfræðikostnaður fellur á almenning
Eyjan
Fyrir 2 dögum

„Er ekki komið að þeim að segja frá því sem þeir vissu um athafnir Jóns Baldvins Hannibalssonar?“

„Er ekki komið að þeim að segja frá því sem þeir vissu um athafnir Jóns Baldvins Hannibalssonar?“
Eyjan
Fyrir 3 dögum

Vigdís hefur kært borgarstjórnarkosningarnar í Reykjavík

Vigdís hefur kært borgarstjórnarkosningarnar í Reykjavík
Eyjan
Fyrir 3 dögum

Óttast að litið verði á frumvarp dómsmálaráðherra sem stuðning við hatursorðræðu

Óttast að litið verði á frumvarp dómsmálaráðherra sem stuðning við hatursorðræðu
Eyjan
Fyrir 3 dögum

Sjáðu laun bankastjóranna í samhengi við afkomu bankanna – Fær Lilja þriðju launahækkunina ?

Sjáðu laun bankastjóranna í samhengi við afkomu bankanna – Fær Lilja þriðju launahækkunina ?
Eyjan
Fyrir 3 dögum

Þetta kostar hringferð Sjálfstæðisflokksins skattgreiðendur á Íslandi – Ferðast um á VIP rútu

Þetta kostar hringferð Sjálfstæðisflokksins skattgreiðendur á Íslandi – Ferðast um á VIP rútu