fbpx
Sunnudagur 17.febrúar 2019
Eyjan

Statoil fann enga olíu á nyrsta rannsóknarsvæðinu í Barentshafi

Ari Brynjólfsson
Fimmtudaginn 31. ágúst 2017 16:28

Ekki missa af Helstu tíðindum dagsins í pósthólfið þitt

Lesa nánar

Olíuborpallur Statoil. Mynd/EPA

Eftir Björn Bjarnason:

Norska ríkisolíufélagið Statoil fann ekki olíu á nyrsta rannsóknarsvæði sínu, Korpfjell, í Barentshafi. Félagið segir að þetta hafi verið „mikilvægasta könnunarhola þess í ár“ á norska landgrunninu. Hlutabréf í félaginu lækkuðu um rúmlega 1,5% þriðjudaginn 29. ágúst eftir að tilkynningin um að engin olía hefði fundist birtist. Hlutabréfaverðið hækkaði þó að nýju um 0,7% að morgni miðvikudags 30. ágúst.

Aldrei hefur verið borað norðar í Barentshafi en á Korpfjell-svæðinu. Það var á svokölluðu gráu svæði milli Noregs og Rússlands sem var afmáð árið 2010 þegar stjórnvöld landanna náðu samkomulagi um markalínu og Norðmenn eignuðust Korpfjell.

Dan Tuppen sem stjórnar rannsóknum á vegum Statoil í Barntshafi lýsti vonbrigðum með niðurstöðuna. Nú yrði hins vegar unnið úr þeim upplýsingum sem hefði verið aflað með boruninni. Haldið yrði áfram olíuleit á þessum slóðum á næsta ári. Þá yrðu boraðar fimm holur.

Tuppen segir að Statoil bindi miklar vonir við að olía finnist í Barentshafi. Félagið og önnur olíufélög njóta eindregins stuðnings norsku ríkisstjórnarinnar. Fyrr á þessu ári kynnti ríkisstjórn 93 ný svæði til rannsóknar í Barentshafi.

Sérfræðingar hjá Statoil segja að brýnt sé að rannsaka ný svæði, finna verði nýjar og gjöfular olíulindir til að tryggja samfellu í vinnslunni á landgrunni Noregs.

Ørjan Birkeland, verkefnastjóri hjá Statoil, segir að fimmta hvern dag sigli fullhlaðið gasflutningaskip frá Melkøya með farm frá Snøhvit-gasvinnslusvæði félagsins í Barentshafi. Um borð í hverju skipi sé farmur sem sé 250 m. norskra króna (3,4 milljarða ISK) virði. Vegna þessarar vinnslu hafi orðið til 600 störf í Hammerfest í Norður-Noregi.

Eftir að ríkisstjórnir Noregs og Rússlands sömdu um markalínuna í Barentshafi árið 2010 tókst samstarf milli Statoil og rússneska ríkisolíufélagsins Rosneft um rannsóknir víða á rússneska landgrunninu. Eftir að Norðmenn og ESB gripu til refsiaðgerða gegn Rússum árið 2014 gena innlimunar á Krím hefur sameiginleg olíuleit Rússa og Norðmanna stöðvast.

Birtist fyrst á vef Varðbergs.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Reykjavíkurborg veitti tæpar 88 milljónir í styrki til velferðarmála

Reykjavíkurborg veitti tæpar 88 milljónir í styrki til velferðarmála
Eyjan
Fyrir 2 dögum

Þegar Morgunblaðsmerkið gnæfði enn yfir bænum og hakakross Eimskipafélagsins var ekki falinn

Þegar Morgunblaðsmerkið gnæfði enn yfir bænum og hakakross Eimskipafélagsins var ekki falinn
Eyjan
Fyrir 2 dögum

Hreiðar og Magnús dæmdir sekir en fá enga refsingu – Lögfræðikostnaður fellur á almenning

Hreiðar og Magnús dæmdir sekir en fá enga refsingu – Lögfræðikostnaður fellur á almenning
Eyjan
Fyrir 2 dögum

„Er ekki komið að þeim að segja frá því sem þeir vissu um athafnir Jóns Baldvins Hannibalssonar?“

„Er ekki komið að þeim að segja frá því sem þeir vissu um athafnir Jóns Baldvins Hannibalssonar?“
Eyjan
Fyrir 3 dögum

Vigdís hefur kært borgarstjórnarkosningarnar í Reykjavík

Vigdís hefur kært borgarstjórnarkosningarnar í Reykjavík
Eyjan
Fyrir 3 dögum

Óttast að litið verði á frumvarp dómsmálaráðherra sem stuðning við hatursorðræðu

Óttast að litið verði á frumvarp dómsmálaráðherra sem stuðning við hatursorðræðu
Eyjan
Fyrir 3 dögum

Sjáðu laun bankastjóranna í samhengi við afkomu bankanna – Fær Lilja þriðju launahækkunina ?

Sjáðu laun bankastjóranna í samhengi við afkomu bankanna – Fær Lilja þriðju launahækkunina ?
Eyjan
Fyrir 3 dögum

Þetta kostar hringferð Sjálfstæðisflokksins skattgreiðendur á Íslandi – Ferðast um á VIP rútu

Þetta kostar hringferð Sjálfstæðisflokksins skattgreiðendur á Íslandi – Ferðast um á VIP rútu