Brynjar Níelsson þingmaður Sjálfstæðisflokksins segir að bönn við hlutum á borð við áfengisauglýsingar og fjárhættuspil séu þýðingarlaus og skaðleg. Brynjar, sem fer sjaldan leynt með skoðanir sínar, segir í færslu á Fésbók að okkur sé mjög í mun að hafa ýmis bannákvæði í lögum sem virðist vera hluti af eðlislægri stjórnsemi og vantrausti á öðrum:

Við ríghöldum í sum bannákvæði þótt þau séu þýðingarlaus í raun og gera ekkert annað en að skapa mismunun og ójafnræði,

segir Brynjar. Góð dæmi um þetta sé bann við áfengisauglýsingum og fjárhættuspilum:

Góð dæmi um þetta er bann við áfengisauglýsingum og fjárhættuspilum. Að búa í frjálsu samfélagi fylgja ýmsir gallar en kostirnir eru miklu meiri. Og á meðan við erum hluti af hinu frjálsa heimi á tækniöld eru svona bönn þýðingarlaus og skaðleg.