Eyjan

Bleikt
0
Fimmtudagur 26.apríl 2018
Eyjan

Spá hækkun á húsnæði, fötum, mat og eldsneyti

Ari Brynjólfsson skrifar
Miðvikudaginn 16. ágúst 2017 10:35

Greining Íslandsbanka spáir því að vísitala neysluverðs hækki um 0,4% í ágúst frá fyrri mánuði, miðað við þá spá muni verðbólga því aukast úr 1,8% í 1,9% í ágúst. Útlit sé fyrir að verðbólgan verði við 2,5% verðbólgumarkmið Seðlabankans í kring um næstu áramót, en verði síðan að jafnaði rétt um 3,0% út árið 2019.

Hækkandi íbúðaverð vegur hvað þyngst til hækkunar á vísitölunni í  ágúst. Reiknuð húsaleiga, sem endurspeglar að mestu þróun íbúðaverðs, vegur til 0,18% hækkunar vísitölunnar. Í heild vegur húsnæðisliðurinn til 0,23% hækkunar í ágúst.

Nú þegar farið sé að síga á seinni hluta sumarútsala, munu þá áhrif útsöluloka í fata- og skóverslunum vega til 0,19% hækkunar á vísitölu neysluverðs samkvæmt spá Íslandsbanka. Útsölulok skýri einnig að mestu 0,04% hækkunaráhrif vegna húsgagna og heimilisbúnaðar í ágústspánni.

Verðhækkun á mat- og drykkjarvörum vegur til 0,04% hækkunar á vísitölunni, þá vegur hækkandi eldsneytisverð einnig til 0,04% hækkunar vísitölunnar í mánuðinum. Skýringin í báðum tilfellum sé að mestu lækkandi gengi krónu frá júníbyrjun.

Hins vegar sé útlit er fyrir að flugfargjöld lækki talsvert í ágúst eftir ríflega 20% hækkun í júlí. Þá standa enn yfir útsölur í ýmsum tegundum verslana, og koma áhrif þeirra fram að nokkru leyti í ágúst, ekki síst í verði raftækja. Aðrir liðir vega samanlagt til 0,11% hækkunar vísitölunnar í mánuðinum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af