Stjórn félags ungra Framsóknarmanna í Reykjavík, SIGRÚN, lýsir yfir vantrausti á Sveinbjörgu Birnu Sveinbjörnsdóttir oddvita Framsóknar og Flugvallarvina. Ástæðan eru ummæli hennar um börn hælisleitanda en Sveinbjörg Birna talaði um skólagöngu þeirra sem „sokkinn kostnað“ fyrir Reykjavíkurborg.
Segir í yfirlýsingu frá stjórn ungra Framsóknarmanna í Reykjavík að stefnan sem Sveinbjörg Birna tali fyrir gangi í berhögg við grunnstefnu Framsóknarflokksins. Þar segir einnig:
Hvað varðar meginstefnu borgarstjórnarflokks Framsóknar og Flugvallarvina. Að auka lóðaframboð, fjölga félagslegum íbúðum og gera námsgögn grunnskólanema gjaldfrjáls. Vill stjórn ungra Framsóknarmanna í Reykjavík, lýsa yfir fullum stuðningi við borgarstjórnarflokk Framsóknar og Flugvallarvina. Ungir Framsóknarmenn í Reykjavík vona að málflutningur Sveinbjargar Birnu, verði ekki til þess að varpa skugga á það mikilvæga og góða starf sem borgarstjórnarflokkurinn hefur unnið að öðru leyti.