Eyjan

Bleikt
0
Fimmtudagur 26.apríl 2018
Eyjan

Kaupfélag Skagfirðinga eykur hlut sinn í Árvakri

Ari Brynjólfsson skrifar
Þriðjudaginn 25. júlí 2017 10:08

Mynd/DV

Félagið Íslenskar sjávarafurðir, sem er í eigu Kaupfélags Skagfirðinga, hefur fest kaup á rúmlega 5% hlut í Árvakri, útgáfufélagi Morgunblaðsins. Á félagið nú rúmlega 14,15% hlut í félaginu Þórsmörk, sem á Árvakur, en átti áður rúmlega 9% hlut. Greint er frá þessu í Fréttablaðinu í dag. Hlutur félagsins Ramses II, sem er í eigu Eyþórs Arnalds, hefur minnkað um tæplega 4 prósentustig og er nú  um 23%.

Hlutafé Árvakurs var aukið af núverandi eigendum um 200 milljónir í sumar og var það Kaupfélag Skagfirðinga sem lagði til hvað mest fjármagn, að því kemur fram í Fréttablaðinu. Ramses II er sem fyrr stærsti eigandi Þórsmerkur, félagið Hlynur A sem er í eigu Guðbjargar Matthíasdóttur á 16,5% hlut og Ísfélag Vestmannaeyja 12,4% hlut. Árvakur tapaði rúmlega 50 milljónum króna í fyrra, sem er öllu minna en árið áður þegar félagið tapaði 164 milljónum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af