Eyjan

Bónus og Krónan eru íslenskum neytendum mikilvægari en Costco

Ari Brynjólfsson skrifar
Föstudaginn 23. júní 2017 16:00
Bjarki Pétursson sölu og markaðsstjóri Zenter. Eyjan/Ari

Í dag er einn mánuður liðinn frá opnun verslunar Costco í Kauptúni. Costco hefur vægast sagt fengið góð viðbrögð hjá íslenskum neytendum en nýleg könnun MMR leiddi í ljós að nærri helmingur landsmanna 18 og eldri væri búinn að fara í Costco. Síðasta sumar kom út skýrsla ráðgjafarfyrirtækisins Zenter sem sagði að Costco myndi hafa mikil áhrif á rekstur innflutningsfyrirtækja, fréttir um skýrsluna vöktu mikla athygli á sínum tíma sem varpar ljósi á hversu spenntir neytendur voru fyrir komu verslunarrisans hingað til lands.

Sjá frétt: Innkoma Costco á íslenskan markað mun hafa veruleg áhrif

Sjá frétt: Mikil mistök að vanmeta Costco

Það voru langar raðir í Costco þegar blaðamann bar að garði kl.14 á föstudegi. Eyjan/Ari

Í skýrslu Zenter var farið yfir helstu staðreyndir um starfsemi fyrirtækisins og þau gögn notuð til að spá fyrir um áhrifin hér á landi, var því spáð að Costco myndi þrýsta niður verði á matvöru og öllum þeim vöruflokkum sem fyrirtækið verslar með. Bjarki Pétursson sölu og markaðsstjóri Zenter var einn höfunda skýrslunnar, blaðamaður Eyjunnar fór með honum í Costco og ræddi við hann um áhrif verslunarinnar á markaðinn og hvort um sé að ræða tímabundið æði sem runnið sé á neytendur.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af