Eyjan

Bleikt

Orðið á götunni

Fimmtudagsfríin færð

Sunnudagur 22.apríl 2018
Eyjan

Gleðilega þjóðhátíð!

Egill Helgason skrifar
Laugardaginn 17. júní 2017 12:24

Myndin er tekin á Austurvelli 1954, þegar fagnað var tíu ára afmæli lýðveldisins. Við sjáum að öllu hefur verið tjaldað til, því þarna leikur sjálf Sinfóníuhljómsveit Íslands undir stjórn Páls Ísólfssonar – eða maður sér ekki betur en að þetta sé hann.

Segir í blöðum frá þessum tíma að tónleikarnir hafi verið síðdegis. Alþýðublaðið segir að þarna hafi verið flutt Alþingishátíðarkantata Emils Thoroddsen, en hún varð í öðru sæti í verðlaunakeppninni um tónverk á Alþingishátíðinni 1930, á eftir verki Páls Ísólfssonar. Kvæðin í kantötu Emils eru eftir Davíð Stefánsson, Einar Benediktsson og Jóhannes frá Kötlum.

Það mun vera Þjóðleikhúskórinn sem er þarna á sviðinu að syngja með hljómsveitinni, en þarna voru tvær af helstu menningarstofnunum þjóðarinnar glænýjar. Bæði Sinfóníuhljómsveitin og Þjóðleikhúsið tóku til starfa 1950.

Einhvern veginn sér maður varla fyrir sér að svo viðhafnarmikil hátíð yrði haldin í dag. 17. júní er heldur dauflegur núorðið.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af