Grásleppuvertíðin fór rólega af stað um miðjan aprílmánuð en átta bátar hafa verið gerðir út á grásleppu frá Skagaströnd. Þetta er mun tregari afli en vorið 2016 þegar margir bátanna komu til löndunar tvisvar á dag, en þá lentu bátarnir í miklu ,,grásleppuskoti.“
Grásleppan er seld á fiskmarkaðnum og er það af sem áður var að menn söltuðu sjálfir hrognin úr sínum afla og komu þeim á markað. Sjómenneru ekki sáttir við verðið á grásleppunni en margir þeirra telja að verðið geti ekki farið nema hækkandi.
Grásleppuveiðileyfi hvers báts skal gefið út til 20 samfelldra daga í upphafi, þar til ákvörðun um heildarfjölda daga hefur verið tekin og skal bundið við ákveðið veiðisvæði og veiðitímabil. Við Húnaflóa skal leyft að veiða frá línu réttvísandi norður frá Horni (grunnpunktur 1) 66°27,40 N022°24,30 V að línu réttvísandi norður frá Skagatá 66°07,20 N 020°05,90 V. Innan veiðitímabilsins frá og með 20. mars til og með 2. júní.