Eyjan

Vantraust á Ólaf Arnarsson

Ari Brynjólfsson skrifar
Föstudaginn 19. maí 2017 13:00
Ólafur Arnarson. Mynd/Sigtryggur Ari

Stjórn Neytendasamtakanna hefur lýst yfir vantrausti á hendur Ólafi Arnarsyni formanni.

DV greinir frá að tillaga þess efnis hafi verið samþykkt á síðasta stjórnarfundi. Ólafur vildi ekki tjá sig um málið.

Ólafur var kjörinn formaður Neytendasamtakanna þann 22. október í fyrra með yfirburðakosningu, var hann með það á stefnuskránni að gefa út smáforrit til að auðvelda aðgang að könnunum samtakanna. Smáforritið, eða appið, kom út í byrjun árs 2017 Ólafur var einnig með það markmið að gera samtökin sýnilegri til dæmis fyrir ungt fólk:

Ég held að mjög margir gangi í Neytendasamtökin þegar þeir lenda í einhverju vandamáli og þurfa að leita réttar síns. Ég vil að við íslenskir neytendur sínum bara ríka samstöðu, eflum samtökin okkar og verum öll með, þá heyrist í okkur og þá getur enginn ráðamaður gert annað en hlustað,

sagði Ólafur í viðtali síðasta haust. Stefán Hrafn Jónsson, sem situr í stjórn samtakanna, segir í samtali við DV að Ólafur hafi á stjórnartíð sinni sett samtökin í þrönga stöðu með ákvörðunum sínum sem hann hafi ekki borið undir stjórnina:

Þetta voru ákvarðanir sem kosta peninga. En Neytendasamtökin eru það sterk samtök að þau standa ekki eða falla með einum formanni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af