„Landsmenn vilja að heilbrigðismálin verði sett í forgang, fólkið í landinu vill efla heilbrigðiskerfið með auknu fjármagni, það vill bæta heilbrigðisþjónustuna, byggja nýjan spítala, það vill minnka álögur á sjúklinga og auka fjárframframlög hins opinbera til að innleiða fleiri ný lyf. Ég er sammála þessum áherslum. Þess vegna sóttist ég eftir því að verða heilbrigðisráðherra í þeirri ríkisstjórn sem nú situr. Ég vil koma þessu til leiðar.“
Þetta segir Óttarr Proppé heilbrigðisráðherra í grein sem birtist í Viðskiptablaðinu í dag. Segir hann að í stórum verkefnum verði að liggja fyrir stefna, markmið og áætlun áður en hafist sé handa til að ekki fari illa. Margt sé verið að gera til að styrkja heilbrigðiskerfið, nú standi yfir uppbygging Landspítala við Hringbraut, framlög hafi verið aukin til heilsugæslunnar og nýtt greiðsluþáttökukerfi sem á að verja aldraða, öryrkja og barna jölskyldur fyrir háum útgjöldum. Öll þessi atriði hafa þó verið harðlega gagnrýnd að undanförnu, en þó sérstaklega framlög til heilbrigðiskerfisins sem Óttarr minnist ekki á í grein sinni. Biður Óttarr að fólk sýni því skilning að öll verkefni taka tíma:
Ég bið lesendur um að sýna því skilning þótt Róm verði ekki byggð á einum degi. Það hefur aldrei verið gert, enda er það ekki hægt og það væri ekki skynsamlegt að reyna það. Ekki frekar en að gleypa fíl í einum bita,
segir Óttarr. Segir hann að eitt meginverkefnið framundan á vettvangi heilbrigðisráðuneytisins sé að setja fram heildstæða stefnu með skýrum markmiðum fyrir heilbrigðisþjónustuna og hald góðum skilgreiningum á því hverjir eigi að veita hvaða þjónustu og hvernig eigi að haga samvinnu:
Undirbúningur að þessu er hafinn. Mikið er til af vönduðum greiningum og stefnuplöggum sem sjálfsagt er að nýta við þessa vinnu.
Segir ráðherra að það þurfi að vera ljóst í hver sérstaða Landspítalans á að vera og hvernig staðið sé vörð það hlutverk. Nú sé undirbúningur hafinn inni í ráðuneytinu og verður það kynnt á næstunni segir Óttarr:
Margir þurfa að koma að því verki en í ljósi mikillar þekkingar og fyrirliggjandi gagna tel ég raunhæft að ljúka mótun nýrrar heilbrigðis stefnu á tiltölulega skömmum tíma. Þar með verðum við komin með gott veganesti til að efla og bæta heilbrigðiskerfið eins og við viljum öll.