Eyjan

Bleikt
0
Fimmtudagur 26.apríl 2018
Eyjan

Rússneskar sprengjuflugvélar rufu bandaríska lofthelgi

Ritstjórn Eyjunnar skrifar
Þriðjudaginn 18. apríl 2017 16:25

Bandarísk F-22 orustuþota fylgir rússneskri Tu-95 sprengjuflugvél.

Í fyrsta skipti frá því að Donald Trump tók við embætti forseta Bandaríkjanna þann 20. janúar síðastliðinn hefur rússneski flugherinn ögrað Bandaríkjamönnum með flugi sprengjuflugvéla nálægt bandarískri lofthelgi. Það hefur ekki gerst síðan 4. júlí 2015. Fox greinir frá.

Tvær rússneskar Tu-95 sprengjuflugvélar flugu í 160 kílómetra fjarlægð frá Kodak eyju í Alaska, í 450 kílómetra fjarlægð frá Elmendorf herflugvellinum. Vélarnar flugu inn á svæði sem bandaríski flugherinn skilgreinir sem svokallað Air Defense Identification Zone eða svæði þar sem flugvélar eiga að gera grein fyrir sér.

Bandaríski flugherinn sendi tvær F-22 orustuþotur og E-3 loftvarnareftirlitsvél til að fljúga í mót við rússnesku sprengjuþoturnar. Bandarísku þoturnar flugu samhliða þeim rússnesku í 12 mínútur uns Rússarnir sneru við aftur til heimahaganna.

Þetta á sér stað á tíma þar sem samskipti Bandaríkjanna og Rússlands eru með versta móti. Rex Tillerson, utanríkisráðherra Bandaríkjanna var í Moskvu í síðustu viku og þá sendu Rússar þrjár sprengjuflugvélar í japanska lofthelgi auk þess sem njósnaflugvél flaug nálægt Japan.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af