Eyjan

Bleikt
0
Fimmtudagur 26.apríl 2018
Eyjan

Sigurður segir stjórnvöld brotin: „Veðmál vogunarsjóðanna gekk algjörlega upp“

Ari Brynjólfsson skrifar
Miðvikudaginn 22. mars 2017 12:17

Dr. Sigurður Hannesson.

Sigurður Hannesson framkvæmdastjóri há Kviku banka og og fyrr­ver­andi vara­formaður fram­kvæmda­hóps stjórn­valda um los­un hafta segir að veðmál vogunarsjóðanna hafa gengið upp en gagnrýnir stjórnvöld fyrir að segja eitt og gera annað.

Sigurður sagði í Morgunútvarpinu á Rás 2 í morgun að höftin hafi þjónað sínum tilgangi að draga úr högginu sem varð við hrun bankanna, þó þau það sé ekki búið að afnema þau að fullu, en Seðla­banki Íslands gegnir áfram stað­fest­ing­ar­hlut­verki gagn­vart erlendum lánum og fjár­fest­ingum fólks sem og takmarkanir eru áfram á vaxta­muna­við­skiptum og afleiðu­við­skipt­um. Telur Sigurður að afnám hafta hafi tekist vel:

Þó má segja að við lokaskrefið hefði farið vel á því að leyfa almenningi og atvinnulífi, fyrirtækjum og lífeyrissjóðum að fara út áður en að vogunarsjóðir, sem eiga aflandskrónur, fóru út.  Þar eigum við í rauninni við að glíma trúverðugleika vandamál vegna þess að stjórnvöld segja eitt og gera annað og við megum auðvitað ekki gleyma því að ekki eru allar aflandskrónurnar farnar út,

sagði Sigurður. Um var að ræða tvö hundruð milljarða, en hundrað milljarðar eru enn eftir, Sigurður segir vandséð hvernig stjórnvöld taki á því:

Svoleiðis að trúverðugleikinn er vandamál en veðmál vogunarsjóðanna gekk algjörlega upp, sem var kannski að einhverju leyti að brjóta stjórnvöld.

Ítrekaði Sigurður þá skoðun sína að brýnt sé að lækka vexti þar sem háir vextir leiði reglulega til áfalla, spenna byggist upp og svo gefi krónan eftir með tilheyrandi verðbólguskoti.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af