Eyjan

Gagnrýna fjármálastefnu ríkistjórnarinnar: Óábyrg, þensluhvetjandi og brothætt

Ari Brynjólfsson skrifar
Fimmtudaginn 2. mars 2017 08:41

Viðskiptaráð Íslands segir fjármálastefnu ríkisstjórnarinnar til næstu fimm ára vera óábyrga, brothætta og þensluhvetjandi. Fjármálastefna til næstu fimm ára bíður nú afgreiðslu á Alþingi og er nú í umsagnarferli.

Í umsögn Viðskiptaráðs segir að stefnan sé brothætt þar sem hún byggi á því að hér á landi verði samfelldur hagvöxtur til ársins 2022 án þess að mið sé tekið af mögulegum skakkaföllum og áhættuþáttum á borð við styrkingu krónunnar, það sé ekki forsvaranlegt að reiða sig á bjartsýni í opinberum rekstri. Þar að auki segir Viðskiptaráð fjármálastefnuna þensluhvetjandi þar sem hún feli í sér aukin útgjöld til opinbera.

Í fjármálastefnunni sé gert ráð fyrir árlegum hagsvexti á bilinu 2,6% til 4,6% á ári, sem þýddi að núverandi efnahagsuppgangur væri lengsta hagvaxtarskeið í nútímasögu Íslands:

Að mati ráðsins er hins vegar óábyrgt að byggja fjármálastefnu næstu fimm ára á einni bjartsýnustu sviðsmynd sem mögulega hægt er að stilla upp þegar kemur að hagþróun Íslands til næstu fimm ára.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af