Eyjan

Ósætti í stjórnarflokkunum: Spyr hvort ráðherrann styðji stjórnarsáttmálann

Ritstjórn Eyjunnar skrifar
Föstudaginn 10. febrúar 2017 12:59
Hanna Katrín Friðriksson, þingkona Viðreisnar.

Ósætti er komið upp í stjórnarflokkunum eftir að Sigríður Andersen dómsmálaráðherra lýsti yfir efasemdum um að kynbundinn launamunur sé til. Þingmaður Viðreisnar spyr hvort ráðherrann styðji stjórnarsáttmálann.

„Það er vitað að kynbundinn launamunur er raunverulegur. Það er hlutverk okkar þingmanna að gera það sem við getum að útrýma því óréttlæti. Þess vegna er ótækt að dómsmálaráðherra haldi því fram að kynbundinn launamunur sé ekki til, heldur sé ástæða launamunar að konur verji meiri tima með börnum sínum,“ segir Hanna Katrín Friðriksson á fésbókarsíðu sinni.

„Það er árið 2017 og konur og karlar eiga að fá borguð sömu laun fyrir sömu vinnu. Þetta er ekkert til að rífast um,“ segir hún.

Ummælin vekja nokkra athygli, enda nýtur stjórnarmeirihlutinn aðeins eins manns meirihluta á þingi.

Hrannar Björn Arnarson, fv. aðstoðarmaður forsætisráðherra, spyr Hönnu hvort ráðherrann sem sitji í hennar umboði njóti trausts?

Hanna Katrín svarar:

Í mínum huga er áhugaverðari spurning hvort hún styðji stjórnarsáttmála ríkisstjórnarinnar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af