Umræðan um auðlindanýtinguna á Íslandi – og þar með Magma Energy – er býsna þvælin.
Eins og staðan er núna hafa sveitarfélög nánast sjálfdæmi um hvernig þær fara með auðlindir sem þær hafa yfirráð yfir – þetta er afleiðing lagasetningar frá tíma ríkisstjórnar Sjálfstæðisflokks og Framsóknarflokks.. Hins vegar er rétt að halda því til haga að það eru ekki auðlindirnar sjálfar sem eru seldar, heldur einungis nýtingarréttur til langs tíma.
En hvernig vilja menn hafa þetta? Er andstaðan við Magma tilkomin vegna þess….
a) Að fyrirtækið fær of langan nýtingarrétt?
b) Að þetta er erlent fyrirtæki?
c) Að þetta er fyrirtæki utan EES sem þurfti að stofna skúffufyrirtæki inni á svæðinu til að fá að kaupa HS?
d) Að það greiðir ekki nóg fyrir aðganginn að auðlindinni?
Væru menn ánægðari ef:
a) Þetta væri íslenskt einkafyrirtæki?
b) Ef þetta væri fyrirtæki sem væri örugglega starfrækt á EES-svæðinu?
c) Ef nýtingarrétturinn væri styttri?
d) Ef ríkið- eða sveitarfélögin sæju alfarið um þetta?
e) Ef Magma myndi greiða meira fyrir auðlindina?